തൃശൂര്: ഫേസ്ബുക്ക് വഴി പരിചയപ്പെട്ട 32കാരിയെ വിവാഹ വാഗ്ദാനം നല്കി പീഡിപ്പിച്ച കേസില് പൊലീസുകാരന് അറസ്റ്റില്. തൃശൂര് രാമവര്മപുരം പൊലീസ് ക്യാംപിലെ ഉദ്യോഗസ്ഥനായ കെ സി ശ്രീരാജാണ് അറസ്റ്റിലായത്.
വിവാഹ വാഗ്ദാനം നല്കി തൃശൂരിലെയും ഗുരുവായൂരിലെയും ഹോട്ടലുകളില് കൊണ്ടുപോയി പീഡിപ്പിച്ചെന്നാണ് യുവതിയുടെ പരാതി. ഫേസ്ബുക്ക് വഴിയാണ് കാസര്ഗോഡ് സ്വദേശിനിയായ മുപ്പത്തിരണ്ടുകാരി പൊലിസ് ഉദ്യോഗസ്ഥനെ പരിചയപ്പെട്ടത്. ഇരുവരും ആറ് മാസത്തോളം ഒന്നിച്ച് താമസിച്ചിരുന്നു. ആത്മഹത്യയ്ക്ക് ശ്രമിച്ചപ്പോഴാണ് വീട്ടുകാര് കാര്യങ്ങള് അറിഞ്ഞത്. തൃശൂരില് ജോലി സംബന്ധമായി താമസിച്ചെന്നായിരുന്നു അതുവരെ വീട്ടുകാരോട് പറഞ്ഞിരുന്നത്.
അതേസമയം പരാതി ഒത്തുതീര്പ്പാക്കാന് പാലക്കാട്ടേയും കാസര്കോട്ടേയും ഭരണകക്ഷിയിലെ ചില പ്രാദേശിക നേതാക്കള് ഇടപ്പെട്ടതായും യുവതി ആരോപിക്കുന്നു.
