കൊച്ചി: സഹപ്രവര്ത്തകരുടെ പീഡനം പോലീസുകാരന് ആത്മഹത്യ ചെയ്ത സംഭവത്തില് അന്വേഷണ.മൂവാറ്റുപുഴയിലെ പൊലീസ് ഡ്രൈവറുടെ ആത്മഹത്യയില് വകുപ്പ് തല അന്വേഷണത്തിനാണ് ഉത്തരവിട്ടിരിക്കുന്നത്. മൂവാറ്റുപുഴ ഡിവൈഎസ്പി മുഹമ്മദ് റിയാസിന്റെ നേതൃത്വത്തിലാണ് അന്വേഷണം. ആത്മഹത്യാക്കുറിപ്പിലുള്ള പൊലീസ് ഉദ്യോഗസ്ഥര്ക്കെതിരെയാണ് അന്വേഷണം നടക്കുന്നത്.
ഇന്നലെയാണ് പൊലീസുകാരനെ വീടിനുള്ളില് തൂങ്ങിമരിച്ച നിലയില് കണ്ടെത്തിയത്. കളമശ്ശേരി എ.ആര് ക്യാമ്പിലെ ഡ്രൈവര് സിപിഒ ജോബി ദാസി(48)നെയാണ് മരിച്ച നിലയില് കണ്ടെത്തിയത്.മൂവാറ്റുപുഴ റാക്കാടുള്ള വീട്ടില് തൂങ്ങി മരിച്ച നിലയിലായിരുന്നു മൃതദേഹം. മൃതദേഹത്തിനടുത്തുനിന്ന് കണ്ടത്തിയ ആത്മഹത്യാ കുറിപ്പില് സഹപ്രവര്ത്തകരുടെ പേരുമുണ്ട്. തന്റെ ശവശരീരം കാണാന് ഇവര് വരരുതെന്നും കുറിപ്പിലുണ്ട്.
