ആലപ്പുഴ: വിവാഹവാഗ്ദാനം നല്കി എയര് ഹോസ്റ്റസായ യുവതിയെ ലൈംഗികമായി പീഡിപ്പിച്ചശേഷം വഞ്ചിച്ച കുറ്റത്തിനു പ്രവാസി വ്യവസായിക്കെതിരേ കേസ്. കാസര്കോട് സ്വദേശിനിയായ എയര്ഹോസ്റ്റസിന്റെ പരാതിയില് പഞ്ചായത്ത് ആറാം വാര്ഡ് പുത്തന്പറമ്പില് ജാരിസ് മേത്തര് (45) ക്കെതിരേയാണു കേസെടുത്തത്. ജോലിയുമായി ബന്ധപ്പെട്ട് കാലടിയില് താമസിക്കുന്ന യുവതി ജാരിസിനെതിരേ കാലടി പോലീസിലും പിന്നീട് മണ്ണഞ്ചേരി പോലീസിനും പരാതി നല്കുകയായിരുന്നു.
സംഭവം സംബന്ധിച്ച് പോലീസ് പറയുന്നത്: വിമാനയാത്രയ്ക്കിടെ എയര് ഹോസ്റ്റസുമായി പരിചയപ്പെട്ട ജാരിസ് മേത്തര് പിന്നീട് ഇവരുമായി പ്രണയത്തിലായി. വിവാഹമോചിതയായ യുവതിയെ വിവാഹം കഴിക്കാമെന്ന് ഉറപ്പുനല്കിയ ശേഷം ഇവരെ ലൈംഗികമായി പീഡിപ്പിക്കുകയായിരുന്നു. ജാരിസ് മേത്തറും വിവാഹിതനാണ്.
