ഉമ്മന് ചാണ്ടിക്കും രമേശ് ചെന്നിത്തലയ്ക്കും എതിരെ കോണ്ഗ്രസില് പടയൊരുക്കം. കെ സുധാകരനും വിഡി സതീശനും ഹൈക്കമാന്ഡിനെ സമീപിക്കും. ഇരുവര്ക്കും എതിരെ ഹൈക്കമാന്ഡിന് പരാതി നല്കാന് തീരുമാനം. സമ്മര്ദത്തിന് വഴങ്ങില്ലെന്ന് കെപിസിസി നേതൃത്വം, യുഡിഎഫ് യോഗം ബഹിഷ്കരിച്ചതിന് ന്യായികരണമില്ല.
തിരുവനന്തപുരത്ത് ഉണ്ടായിട്ടും രാജ്യസഭ തെരഞ്ഞെടുപ്പില് വോട്ട് ചെയ്യാന് എത്തിയിട്ടും മുന്നണിയോഗത്തിന് എത്താതിരുന്നത് മന:പൂര്വമാണ്. പാര്ട്ടിക്കുള്ളിലെ ആഭ്യന്തര പ്രശ്നങ്ങള് ഒരു കാലത്തും മുന്നണിയിലേക്ക് വലിച്ചിഴച്ചിരുന്നില്ല. എന്നാലിപ്പോള് അതും സംഭവിച്ചുവെന്നാണ് കെപിസിസി നേതൃത്വം പറയുന്നത്.
സഹിക്കാനാവാത്ത അവഗണനയെന്നാണ് മുതിര്ന്ന നേതാക്കളുടെ നിലപാട്. ഇതാണ് യു.ഡി.എഫ് യോഗം ബഹിഷ്കരിക്കുന്നതിലേക്ക് ഉമ്മന് ചാണ്ടിയെയും രമേശ് ചെന്നിത്തലയേയും എത്തിച്ചത്. കാര്യങ്ങള് ഇങ്ങനെയാണെങ്കില് സമാന്തര സംവിധാനമായി മാറേണ്ടി വരുമെന്ന മുന്നറിയിപ്പുമായി ഗ്രൂപ്പുകളും നിലകൊള്ളുന്നു. നെയ്യാറിലെ കെ.പി.സി.സി നേതൃ ക്യാമ്പിലെത്തിയ രമേശ് ചെന്നിത്തലയ്ക്ക് കാഴ്ചക്കാരനായി ഇരിക്കേണ്ടി വന്നു. കെ.പി.സി.സി ജനറല് സെക്രട്ടറിമാര്ക്ക് ചുമതലകള് വീതിച്ചപ്പോഴും മുതിര്ന്ന നേതാക്കളുടെ ഇഷ്ടക്കാരെ തഴഞ്ഞു. തുടങ്ങി നിരവധി പരാതികള് ഗ്രൂപ്പുകള് ഉന്നയിക്കുന്നു.
ഉമ്മന്ചാണ്ടിയും രമേശ് ചെന്നിത്തലയും ഉള്പ്പെടുന്ന ചില മുതിര്ന്ന നേതാക്കള് പാര്ട്ടി പ്രവര്ത്തനത്തെ പിന്നോട്ടടിക്കാന് ശ്രമിക്കുന്നുവെന്നാണ് സംസ്ഥാന കോണ്ഗ്രസ് നേതൃത്വത്തിന്റെ പ്രധാന പരാതി. ഇവര് അനാവശ്യ വിവാദം ഉണ്ടാക്കുന്നുവെന്നും കെപിസിസി നേതൃത്വം പറയുന്നു.
നിയമസഭയിലെ പ്രതിപക്ഷത്തിന്റെ മികച്ച പ്രവര്ത്തനത്തിന്റെ യശസ്സ് ഇല്ലാതാക്കാന് ഈ നേതാക്കള് ശ്രമിക്കുകയാണ്. ഘടക കക്ഷികള്ക്കിടയിലും പാര്ട്ടി അണികളിലും ഇത് ആശയ കുഴപ്പം ഉണ്ടാക്കുന്നുവെന്നും സംസ്ഥാന കോണ്ഗ്രസ് നേതത്വം ഹൈക്കമാന്ഡിനെ അറിയിക്കും.
