മുസ്ലിം വിരുദ്ധവും വര്ഗീയവുമായ പ്രസംഗം നടത്തിയ മുന് എംഎല്എ പിസി ജോര്ജിനെതിരെ പിണറായി സര്ക്കാര് മൗനം വെടിഞ്ഞ് നടപടി എടുക്കണമെന്ന് ആവശ്യം ശക്തമാകുന്നു. പിസി ജോര്ജിന്റെ വിവാദ പ്രസ്താവന സമൂഹത്തെ മുറിവേല്പ്പിക്കുന്നതും മുസ്ലിം സമുദായത്തെ അധിക്ഷേപിക്കുന്നതും വര്ഗ്ഗീയത നിറഞ്ഞതുമാണെന്ന് വിമര്ശനം.
ഹിന്ദു മഹാപരിഷത്ത് തിരുവനന്തപുരത്ത് നടത്തിയ ‘അനന്തപുരി ഹിന്ദു മഹാസമ്മേളനം’ ഉദ്ഘാടനം ചെയ്യുമ്പോഴാണ് പിസി ജോര്ജ് വിവാദ പ്രസംഗം നടത്തിയത്. പ്രസംഗത്തിലുട നീളം മുസ്ലിം സമുദായത്തെ വര്ഗീയമായി അധിക്ഷേപിക്കുകയും ബോധപൂര്വം വര്ഗീയ ചേരിതിരിവ് സൃഷ്ടിക്കാന് ശ്രമിക്കുന്നതായും ആക്ഷേപം ഉയരുന്നു.
കച്ചവടം ചെയ്യുന്ന മുസ്ലീങ്ങള് പാനീയങ്ങളില് വന്ധ്യത വരുത്താനുള്ള മരുന്നുകള് ബോധപൂര്വം കലര്ത്തുന്നു, മുസ്ലീങ്ങള് അവരുടെ ജനസംഖ്യ വര്ധിപ്പിച്ച് ഇതൊരു മുസ്ലിം രാജ്യമാക്കി മാറ്റാന് ശ്രമിക്കുന്നു, മുസ്ലിം പുരോഹിതര് ഭക്ഷണത്തില് മൂന്ന് പ്രാവശ്യം തുപ്പിയ ശേഷം വിതരണം ചെയ്യുന്നു, മുസ്ലിം കച്ചവടക്കാര് അവരുടെ സ്ഥാപനങ്ങള് അമുസ്ലിം മേഖലകളില് സ്ഥാപിച്ച് അവരുടെ സമ്പത്ത് കവര്ന്നു കൊണ്ടു പോകുന്നു. തുടങ്ങി വളരെ ഗൗരവമായ നുണയാരോപണങ്ങളാണ് അദ്ദേഹം പ്രസംഗിച്ചത്. മുസ്ലിം സമുദായത്തെ സംശയത്തിന്റെ മുനയില് നിറുത്താനും മറ്റു സമുദായത്തിലെ വിശ്വാസികള്ക്കിടയില് വര്ഗീയ ചേരിതിരിവ് സൃഷ്ടിക്കാനും മാത്രമാണ് കാരണമാകുകയെന്നും വിമര്ശനം ഉയര്ന്നു കഴിഞ്ഞു.
‘ഇത്തരം പ്രസ്താവന നടത്തുന്നവര്ക്കെതിരെ ശക്തമായ നിയമനടപടികള് സ്വീകരിക്കേണ്ടത് നാട്ടില് ക്രമസമാധാനവും മതസൗഹാര്ദ്ധവും നിലനിര്ത്താന് അനിവാര്യമാണ്. അതിനാല്, പിസി ജോര്ജിിനെതിരെ കേസെടുത്ത് നിയമ നടപടികള് സ്വീകരിക്കണമെന്ന് സമൂഹത്തിന്റെ വിവിധ തുറകളില് നിന്ന് ആവശ്യമുയര്ന്നു.
മുസ്ലിം സമുദായത്തെ ശക്തമായി അധിക്ഷേപിച്ചും വര്ഗ്ഗീയത മാത്രം നിറഞ്ഞ പ്രഭാഷണം നടത്തിയും കേരളീയ സമൂഹത്തിനിടയില് വിഷലിപ്ത സാന്നിധ്യമായി മാറിയ പിസി ജോര്ജ്ജിനെതിരെ നടപടിയെടുക്കാന് ആവശ്യപ്പെട്ട് ഡി.ജി.പിക്കും മുഖ്യമന്ത്രിക്കും ഇതിനകം പരാതി നല്കി കഴിഞ്ഞു.
ഹിന്ദു മഹാസമ്മേളത്തിന്റെ മൂന്നാം ദിന സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു പിസി ജോര്ജ്ജ്. യോഗത്തില് അഡ്വ. കൃഷ്ണരാജ്, ബിജെപി നേതാവ് സന്ദീപ് വചസ്പതി എന്നിവരും പങ്കെടുത്തിരുന്നു. ഏപ്രല് 27ന് ആരംഭിച്ച ഹിന്ദു മഹാസമ്മേളനം മെയ് ഒന്ന് വരെയാണ് നടക്കുക. തിരുവനന്തപുരം സൗത്ത് ഫോര്ട്ട് പ്രിയദര്ശിനി ക്യാമ്പസിലാണ് ഹിന്ദു മഹാ സമ്മേളനം നടക്കുന്നത്.
വിദ്വേഷ പ്രസംഗം; പി.സി ജോര്ജിനെതിരെ നടപടി ആവശ്യപ്പെട്ട് യൂത്ത് ലീഗ് പരാതി നല്കി:
തിരുവനന്തപുരം: മുസ്ലിം വിരുദ്ധവും വര്ഗീയവുമായ പ്രസംഗം നടത്തിയ മുന് എംഎല്എ പിസി ജോര്ജിനെതിരെ പരാതിയുമായി മുസ്ലിം യൂത്ത് ലീഗ്. ഡിജിപിക്കും മുഖ്യമന്ത്രിക്കുമാണ് യൂത്ത് ലീഗ് പരാതി നല്കിയത്. പി സി ജോര്ജിനെതിരെ ശക്തമായ നടപടി സ്വീകരിക്കണമെന്നും യൂത്ത് ലീഗ് ആവശ്യപ്പെട്ടെന്ന് സംസ്ഥാന ജനറല് സെക്രട്ടറി പി കെ ഫിറോസ് ഫേസ്ബുക്ക് കുറിപ്പില് അറിയിച്ചു.
ഹിന്ദു മഹാപരിഷത്ത് തിരുവനന്തപുരത്ത് വെച്ച നടത്തുന്ന അനന്തപുരി ഹിന്ദു മഹാസമ്മേളനത്തിന്റെ ഉദ്ഘാടന പ്രസംഗത്തിലാണ് പി.സി ജോര്ജ് വിവാദ പ്രസംഗം നടത്തിയത്.
കച്ചവടം ചെയ്യുന്ന മുസ്ലിംകള് പാനീയങ്ങളില് വന്ധ്യത വരുത്താനുള്ള മരുന്നുകള് ബോധപൂര്വ്വം കലര്ത്തുന്നു, മുസ്ലിംകള് അവരുടെ ജനസംഖ്യ വര്ധിപ്പിച്ച് ഇതൊരു മുസ്ലിം രാജ്യമാക്കി മാറ്റാന് ശ്രമിക്കുന്നു, മുസ്ലിം പുരോഹിതര് ഭക്ഷണത്തില് മൂന്ന് പ്രാവശ്യം തുപ്പിയ ശേഷം വിതരണം ചെയ്യുന്നു, മുസ്ലിംകളായ കച്ചവടക്കാര് അവരുടെ സ്ഥാപനങ്ങള് അമുസ്ലിം മേഖലകളില് സ്ഥാപിച്ച് അവരുടെ സമ്പത്ത് കവര്ന്നു കൊണ്ടുപോകുന്നു തുടങ്ങിയ ആരോപണങ്ങളാണ് പി.സി ജോര്ജ് ഉന്നയിച്ചത്.
