പാലാരിവട്ടം പാലം പൊളിച്ചു നീക്കുമ്പോള് യുഡിഎഫ് അഴിമതി മൂടിവയ്ക്കാന് വേണ്ടി ചാനലുകള് നടത്തുന്ന ശ്രമങ്ങള്ക്കെതിരെ വിമര്ശനവുമായി എഎ റഹിം. മാധ്യമങ്ങള് എത്ര തന്നെ കണ്ണടച്ചാലും മലയാളികള് ഇതിന് മാപ്പ് കൊടുക്കില്ലെന്നും എഎ റഹിം വ്യക്തമാക്കി.
ഇന്ന് പാലാരിവട്ടം പാലം പൊളിച്ചു തുടങ്ങി. 47.70കോടി രൂപ ചിലവിട്ട് പണിത പാലമാണ്. ജനങ്ങളുടെ പണം. ഉമ്മന്ചാണ്ടിയും ഇബ്രാഹിം കുഞ്ഞും സംഘവും നടത്തിയ പകല് കൊള്ള വഴി നഷ്ടപ്പെട്ടതായും. ഉദ്ഘാടനം ചെയ്ത് രണ്ട് വര്ഷം കഴിയുമ്പോള് പൊളിഞ്ഞു വീഴുമ്പൊള്. മരടിലെ ഫ്ലാറ്റുകള് പൊളിഞ്ഞു വീഴുന്നത് പകര്ത്താന് മലയാള മാധ്യമങ്ങള് ഒരുക്കിയ വിപുലമായ സന്നാഹമുണ്ട്. പാലാരിവട്ടത്ത് മാധ്യമങ്ങള് കണ്ണടയ്ക്കുന്നത് എന്തു കൊണ്ടെന്നും എഎ റഹിം ഫെയസ്ബുക്ക് പോസ്റ്റിലൂടെ ചോദിക്കുന്നു.
ഫേസ്ബുക്ക് പോസ്റ്റിന്റെ പൂര്ണരൂപം:
മാധ്യമങ്ങള് കണ്ണടച്ചാലും
മലയാളികള്
മാപ്പ് കൊടുക്കില്ല.
ഇന്ന്,2020 സെപ്റ്റംബര് 28.പാലാരിവട്ടം പാലം പൊളിച്ചു തുടങ്ങി. 47.70കോടി രൂപ ചിലവിട്ട് പണിത പാലം. ജനങ്ങളുടെ പണം. ഉമ്മന്ചാണ്ടിയും ഇബ്രാഹിം കുഞ്ഞും സംഘവും നടത്തിയ പകല് കൊള്ള.ഉദ്ഘാടനം ചെയ്ത് രണ്ട് വര്ഷം കഴിയുമ്പോള് പൊളിഞ്ഞു വീഴുന്നു.
മരടിലെ ഫ്ലാറ്റുകള് പൊളിഞ്ഞു വീഴുന്നത് പകര്ത്താന് മലയാള മാധ്യമങ്ങള് ഒരുക്കിയ വിപുലമായ സന്നാഹമുണ്ട്. പാലാരിവട്ടത്ത് മാധ്യമങ്ങള് കണ്ണടയ്ക്കുന്നത് എന്തു കൊണ്ട്?
എക്കാലവും യുഡിഎഫ് അധികാരത്തില് വരുന്നത് കട്ട് മുടിക്കാനാണ്.പക്ഷേ, പാലാരിവട്ടം അതുക്കും മേലെയാണ്. അഴിമതി, കുംഭകോണം എന്നീ വാക്കുകള്ക്കും അപ്പുറത്തു പുതിയ പദം തേടണം. ക്ളീഷെ വാക്കുകള് കൊണ്ട് അടയാളപ്പെടുത്താന് കഴിയാത്ത വിധം പാലാരിവട്ടം പകല് കൊള്ള ചരിത്രത്തില് ഇന്നോളമുള്ള എല്ലാ യുഡിഎഫ് അഴിമതികള്ക്കും ‘മേല്പ്പാലമായി’ നില്ക്കുന്നു.
രാജ്യത്ത് തന്നെ ഇത്തരം ഒരനുഭവം മുന്പ് ഒരിക്കലും ഉണ്ടായിട്ടില്ല.അത്രയേറെ വാര്ത്താ പ്രാധാന്യമുള്ള പാലാരിവട്ടത്ത് മലയാള മാധ്യമങ്ങള് വേണ്ടത്ര ക്യാമറ തിരിക്കാത്തത് എന്ത് കൊണ്ട്?
മാപ്പില്ലാത്ത കൊള്ള നടത്തിയ യുഡിഎഫ് നേതാക്കളും ഉദ്യോഗസ്ഥരും, കരാറുകരും ശിക്ഷിക്കപ്പെടണം. എത്രയും വേഗം വേണം. പാലം പൊളിഞ്ഞ വേഗതയില് വിചാരണ പൂര്ത്തിയാക്കി പ്രതികളെ ശിക്ഷിക്കണം. പൊളിക്കാനും പുതിയ പാലം പണിയാനും തുക ഉമ്മന് ചാണ്ടിയില് നിന്നും ഇബ്രാഹിം കുഞ്ഞില് നിന്നും മറ്റ് പ്രതികളില് നിന്നും ഈടാക്കണം.ഇബ്രാഹിം കുഞ്ഞ്
എം എല് എ സ്ഥാനം രാജി വയ്ക്കുക.
മാധ്യമങ്ങൾ കണ്ണടച്ചാലുംമലയാളികൾമാപ്പ് കൊടുക്കില്ല.ഇന്ന്,2020 സെപ്റ്റംബർ 28.പാലാരിവട്ടം പാലം പൊളിച്ചു തുടങ്ങി….
Posted by A A Rahim on Monday, September 28, 2020
