നിയമസഭാ കയ്യാങ്കളിക്കേസിലെ സര്ക്കാര് നടപടിയെ ന്യായീകരിച്ച് മുഖ്യമന്ത്രി പിണറായി വിജയന്. കേസില് കോടതി വിധി അനുസരിച്ചുള്ള സമീപനം സ്വീകരിക്കും. ഇതുമായി ബന്ധപ്പെട്ട സര്ക്കാര് നടപടി നിയമ വിരുദ്ധമല്ല, അസാധാരണവുമല്ല. പൊതു താല്പര്യം മുന്നിര്ത്തി പ്രോസിക്യൂട്ടര്ക്ക് അതിന് അവകാശമുണ്ടെന്നും മുഖ്യമന്ത്രി നിയമസഭയില് പറഞ്ഞു.
കേസ് പിന്വലിക്കണമെന്ന ഹര്ജിയിലെ അപ്പീലാണ് കോടതി ഇപ്പോള് തള്ളിയത്. കേസ് പിന്വലിക്കുന്നതിന് അവകാശം ഉണ്ടോ ഇല്ലയോ എന്നതാണ് വിഷയമെന്നും മുഖ്യമന്ത്രി കൂട്ടിച്ചേര്ത്തു.
