ഈ വര്ഷത്തെ ഏറ്റവും വലിയ പൂര്ണ ചന്ദ്രന് അല്ലെങ്കില് ‘സൂപ്പര്മൂണ്’ ഇന്ന് ദൃശ്യമാവും. സൂപ്പര് മൂണിനൊപ്പം ചന്ദ്രഗ്രഹണം കൂടി സംഭവിക്കുമെന്നതാണ് ഇന്നത്തെ ആകാശ പ്രതിഭാസത്തിന്റെ പ്രത്യേകത. ഭൂമിയോട് ചന്ദ്രന് ഏറ്റവും അടുക്കുന്ന ദിവസമെന്ന പ്രത്യേകത കൂടി ഈ ദിവസത്തിനുണ്ട്.
ഇന്നത്തെ ആകാശ പ്രതിഭാസം ഈ വര്ഷത്തെ ഏക പൂര്ണ ചന്ദ്രഗ്രഹണമാണ്. 2019 ജനുവരിക്ക് ശേഷം ഇതാദ്യമാണ് പൂര്ണ ചന്ദ്രഗ്രഹണം. ഒപ്പം ആറ് വര്ഷത്തിന് ശേഷം ഇതാദ്യമാണ് സൂപ്പര്മൂണും ചന്ദ്രഗ്രഹണവും ഒന്നിച്ച് വരുന്നത്.
ചന്ദ്രന്റെ ഭ്രമണപഥം ഭൂമിയോട് ഏറ്റവും അടുത്തായിരിക്കുമ്പോഴും ചന്ദ്രന് ഒരു പൂര്ണ ചന്ദ്രനായിരിക്കുമ്പോഴും ഒരു സൂപ്പര്മൂണ് സംഭവിക്കുന്നുവെന്ന് നാസ കുറിക്കുന്നു.
ചന്ദ്രന് ഭൂമിയെ പരിക്രമണം ചെയ്യുമ്പോള്, ഇവ രണ്ടും തമ്മിലുള്ള ദൂരം ഏറ്റവും കുറവായ ഒരു സമയമുണ്ട് (ശരാശരി ദൂരം ഭൂമിയില് നിന്ന് 360,000 കിലോമീറ്റര് അകലെയായിരിക്കുമ്പോള് പെരിഗി എന്ന് വിളിക്കുന്നു), ദൂരം ഏറ്റവും കൂടുതലുള്ള സമയവും ( ഭൂമിയില് നിന്ന് 405,000 കിലോമീറ്റര് അകലെയുള്ളപ്പോള് അപ്പോജി എന്ന് വിളിക്കുന്നു).
ഭൂമിയും ചന്ദ്രനും തമ്മിലുള്ള ദൂരം ഏറ്റവും കുറവായിരിക്കുമ്പോള് ഒരു പൂര്ണ്ണചന്ദ്രന് പ്രത്യക്ഷപ്പെടുമ്പോള്, അത് തെളിച്ചമുള്ളതായി കാണപ്പെടുന്നു എന്ന് മാത്രമല്ല, ഒരു സാധാരണ പൂര്ണ്ണചന്ദ്രനേക്കാള് വലുതുമായി കാണപ്പെടുന്നു.
നാസയുടെ അഭിപ്രായത്തില്, 1979 ല് ജ്യോതിഷിയായ റിച്ചാര്ഡ് നോളാണ് സൂപ്പര്മൂണ് എന്ന പദം ഉപയോഗിച്ചത്. ഏകദേശം ഒരു മാസം മുമ്പ് ഏപ്രില് 26 ന് മറ്റൊരു പൗര്ണ്ണമി ഉണ്ടായിരുന്നു, എന്നാല് ഇന്ന് (മെയ് 26) സാക്ഷ്യം വഹിക്കുന്ന സൂപ്പര്മൂണ് 0.04 ശതമാനം ഭൂമിയോട് അടുത്തുട്ടായിരിക്കും.
ഇന്ന് ഒരേ സമയം രണ്ട് ആകാശ പ്രതിഭാസങ്ങള് നടക്കും. ഒന്ന് സൂപ്പര്മൂണ്, മറ്റൊന്ന് പൂര്ണ ചന്ദ്രഗ്രഹണം, അതായത് ചന്ദ്രനും സൂര്യനും ഭൂമിയുടെ എതിര്വശത്തായിരിക്കുന്ന അവസ്ഥ. പൂര്ണ ചന്ദ്രഗ്രഹണം കാരണം ചന്ദ്രനും ചുവപ്പായി കാണപ്പെടും. കാരണം, സൂര്യനില് നിന്നുള്ള ചില പ്രകാശത്തെ ചന്ദ്രനില് എത്തുന്നതില് നിന്ന് ഭൂമി തടയും, ഭൂമിയുടെ അന്തരീക്ഷം പ്രകാശത്തെ ഫില്ട്ടര് ചെയ്യുമ്പോള്, അത് ”നമ്മുടെ ഗ്രഹത്തിന്റെ നിഴലിന്റെ വക്കത്തെ” മയപ്പെടുത്തുകയും ”ചന്ദ്രന് ആഴത്തിലുള്ളതും തിളക്കമുള്ളതുമായ തിളക്കം നല്കുകയും ചെയ്യും.”
ബുധനാഴ്ച സെന്ട്രല് ഡേലൈറ്റ് ടൈം പ്രകാരം രാവിലെ 6:13 ന് അഥവാ ഇന്ത്യന് സ്റ്റാന്ഡേര്ഡ് സമയം പ്രകാരം വൈകുന്നേരം 4 മണിയോടെ ആയിരിക്കും ചന്ദ്രന് നേരെ എതിര്വശത്തെത്തുക. ആകാശം തെളിഞ്ഞതാണെങ്കില് ലോകത്തെവിടെയും ഈ പൂര്ണ ചന്ദ്രനെ കാണാനാവും.
ചന്ദ്രഗ്രഹണം നിരീക്ഷിക്കാന് കൂടുതല് ബുദ്ധിമുട്ടാകുമെന്ന് നാസ പറയുന്നു. ഭൂമിയുടെ നിഴലിലേക്കും പുറത്തേക്കും ചന്ദ്രന് നീങ്ങുമ്പോള് ഉണ്ടാകുന്ന ഭാഗിക ഗ്രഹണം, വൈകുന്നേരം ചന്ദ്രന് ഉദിച്ചതിനുശേഷം ഇന്ത്യ, നേപ്പാള്, പടിഞ്ഞാറന് ചൈന, മംഗോളിയ, കിഴക്കന് റഷ്യ എന്നിവിടങ്ങളില് നിന്ന് ദൃശ്യമാകും.
