അഴിക്കോട് എംഎല്എ കെ.എം. ഷാജിയുടെ വീട്ടില് പരിശോധന. കോഴിക്കോട് നഗരസഭാ ഉദ്യോഗസ്ഥരാണ് എം.എല്.എയുടെ വീടും സ്ഥലവും അളക്കുന്നത്. ഇ.ഡി. നിര്ദേശ പ്രകാരമാണ് കെ.എം. ഷാജിയുടെ വീട്ടിലെ നടപടി. പ്ലസ് ടൂ കോഴക്കേസാണ് ഇഡി അന്വേഷിക്കുന്നത്. ഷാജിയുടെ സ്വത്ത് വിവരങ്ങള് ശേഖരിക്കുന്നതിന്റെ ഭാഗമായിയാണ് എന്ഫോഴ്സമെന്റിന്റെ നീക്കം.
കെ.എം. ഷാജി എംഎല്എ 25 ലക്ഷം രൂപ കോഴ വാങ്ങിയെന്ന പരാതിയില് അന്വേഷണം പുരോഗമിക്കുകയാണ്. ഇതിനിടെയാണ് വിട് അളക്കുന്നതിന് നിര്ദേശം നല്കിയത്.
അതേസമയം, കണ്ണൂര് അഴീക്കോട് ഹൈസ്കൂളിന് പ്ലസ്ടു അനുവദിക്കാന് കെഎം ഷാജി എംഎല്എ 25 ലക്ഷം രൂപ കോഴ വാങ്ങിയെന്ന പരാതിയില് കള്ളപ്പണം വെളുപ്പിക്കല് ആക്ട് പ്രകാരമുള്ള നടപടികളിലേക്ക് എന്ഫോഴ്സ്മെന്റ് ഡയറക്ടറേറ്റ് കടന്നു.
2013-2014 കാലയളവില് കണ്ണൂര് അഴിക്കോട് ഹൈസ്കൂളിന് ഹയര്സെക്കന്ഡറി അനുവദിക്കുന്നതിനായി കെ.എം ഷാജി എംഎല്എ 25 ലക്ഷം രൂപ വാങ്ങിയെന്ന പരാതിയിലാണ് എന്ഫോഴ്സ്മെന്റ് ഡയറക്ടറേറ്റിന്റെ അന്വേഷണം പുരോഗമിക്കുന്നത്. എംഎല്എ കോഴ വാങ്ങിയത് ലീഗ് നേതൃത്വത്തിന്റെ അറിവോടെയാണെന്ന പരാതിയില് ലീഗ് നേതാക്കളില് നിന്ന് ഇഡി ഇന്നലെ മൊഴിയെടുത്തിരുന്നു.
