തൃക്കാക്കര നഗരസഭയിലെ ഓണ സമ്മാന വിവാദം അന്വേഷിക്കാന് ഡിസിസിയോട് റിപ്പോര്ട്ട് തേടിയെന്ന് പ്രതിപക്ഷ നേതാവ് വിഡി സതീശന്. കുറ്റം ചെയ്തെന്ന് കണ്ടാല് നടപടിയുണ്ടാകും. ഡിസിസിയോട് റിപ്പോര്ട്ട് ആവശ്യപെട്ടിട്ടുണ്ടെന്നും വിഡി സതീശന് വ്യക്തമാക്കി.
കൂടാതെ പീഡന പരാതി ഒതുക്കിതീര്ക്കാന് പരാതിക്കാരിയെ സ്വാധീനിക്കാന് ശ്രമിച്ചെന്ന മന്ത്രി എ.കെ. ശശീന്ദ്രനെതിരായ കേസ് പിന്വലിക്കരുതെന്ന് പ്രതിപക്ഷ നേതാവ് വി.ഡി. സതീശന്. കേസ് പിന്വലിച്ചാല് നിയമപരമായി നേരിടുമെന്നും അദ്ദേഹം വ്യക്തമാക്കി.
ഡി.സി.സി പുനഃസംഘടനയില് പരസ്യ പ്രതിഷേധം അനുവദിക്കില്ലെന്നും വി.ഡി. സതീശന് മാധ്യമങ്ങളോട് പറഞ്ഞു. പീഡന പരാതി ഒതുക്കിതീര്ക്കാന് പരാതിക്കാരിയെ സ്വാധീനിക്കാന് ശ്രമിച്ചെന്ന കേസില് മന്ത്രി എ.കെ ശശീന്ദ്രന് ക്ലീന് ചിറ്റ് നല്കിയതായി മാധ്യമങ്ങള് റിപ്പോര്ട്ട് ചെയ്തിരുന്നു.
നല്ല നിലയില് പരിഹരിക്കണം എന്ന വാക്കാണ് ശശീന്ദ്രന് ഉപയോഗിച്ചത്. ഇതിന് പരാതി ഒതുക്കി തീര്ക്കണമെന്ന് അര്ഥമില്ലെന്നും മന്ത്രിയുടെ ഭാഷാപ്രയോഗത്തില് തെറ്റില്ലെന്നും പബ്ലിക് പ്രോസിക്യൂട്ടര് നല്കിയ നിയമോപദേശത്തില് പറയുന്നു.
