നിയമസഭാ സമ്മേളനത്തിന് മണിക്കൂറുകള് ശേഷിക്കെ നയപ്രഖ്യാപനത്തില് ഒപ്പിടാതെ ഗവര്ണര് ആരിഫ് മുഹമ്മദ് ഖാന്. മന്ത്രിമാരുടെ പേഴ്സണല് സ്റ്റാഫിന് പെന്ഷന് നല്കുന്ന രീതിയില് ഗവര്ണര്ക്ക് അതൃപ്തി.
മുഖ്യമന്ത്രി നേരിട്ടെത്തിയിട്ടും ഗവര്ണര് അനുനയത്തിന് തയ്യാറായില്ല. മന്ത്രിമാരുടെ പേര്സണല് സ്റ്റാഫിന് പെന്ഷന് കൊടുക്കുന്നത് നിര്ത്തണം എന്ന് ഗവര്ണ്ണര് പറഞ്ഞു. നിയമസഭാ സമ്മേളനത്തിന് മുന്നോടിയായി മുഖ്യമന്ത്രി പിണറായി വിജയന് തന്നെയാണ് ഇന്ന് രാജ് ഭവനിലെത്തി ഗവര്ണറെ കണ്ട് നയപ്രഖ്യാപനം പ്രസംഗം കൈമാറിയത്. അപ്പോഴാണ് ഗവര്ണര് തന്റെ നിലപാട് വ്യക്തമാക്കിയത്.
നാളെയാണ് നയപ്രഖ്യാപനം. ഗവര്ണര് ഒപ്പിടാത്തതിനാല് നയപ്രഖ്യാപന പ്രസംഗം അനിശ്ചിതത്വത്തിലായി. ഗവര്ണര് ഒപ്പിട്ടാല് മാത്രമേ നിയമസഭ സെക്രട്ടേറിയേറ്റിന് മുന്നോട്ട് പോകാന് സാധിക്കുകയുള്ളൂ. നയപ്രഖ്യാപനത്തില് ഒപ്പിടാന് ചില ഉപാധികള് ഗവര്ണര് മുന്നോട്ട് വെക്കുന്നുണ്ട്. മന്ത്രിമാരുടെ പേര്സണല് സ്റ്റാഫിന് പെന്ഷന് കൊടുക്കുന്നത് നിര്ത്തണം എന്നതാണ് പ്രധാനമായും മുന്നോട്ട് വെച്ച ഉപാധി. എന്നാല് മുഖ്യമന്ത്രി അംഗീകരിച്ചില്ല. ഇതോടെയാണ് ഗവര്ണര് ഒപ്പിടാന് വിസമ്മതിച്ചത്.
മുഖ്യമന്ത്രി നേരിട്ടെത്തിയിട്ടും ഗവര്ണറെ അനുനയിപ്പിക്കാന് സാധിച്ചിട്ടില്ല. സംസ്ഥാന നിയമസഭാ ചരിത്രത്തിലെ അത്യപൂര്വ്വ സംഭവമാണിത്. ബി.ജെ.പി. സംസ്ഥാന കമ്മിറ്റി അംഗം ഹരി എസ്. കര്ത്തയെ ഗവര്ണറുടെ പേഴ്സണല് സ്റ്റാഫില് നിയമിച്ചതില് സര്ക്കാര് വിയോജിപ്പ് രേഖപ്പെടുത്തിയിരുന്നു. ഈ സാഹചര്യത്തിലായിരുന്നു മന്ത്രിമാരുടെ പേഴ്സണല് സ്റ്റാഫ് അംഗങ്ങളെ കുറിച്ചുള്ള അദ്ദേഹത്തിന്റെ പ്രതികരണം.
