സംസ്ഥാനത്ത് വരും മണിക്കൂറുകളില് വ്യാപകമായി മഴകിട്ടും. തെക്കന് ജില്ലകളിലും മധ്യ കേരളത്തിലും അതീവ ജാഗ്രതാ നിര്ദേശം. ഒറ്റപ്പട്ട തീവ്രമഴക്കും ഇടിമിന്നലിനും സാധ്യത. പത്തനംതിട്ട, ആലപ്പുഴ, കൊല്ലം, തിരുവനന്തപുരം ജില്ലകളില് കനത്ത മഴ തുടരുന്നു.
രാത്രി മുതല് തുടങ്ങിയ മഴയില് തിരുവനന്തപുരം നഗരത്തിന്റെ വിവിധ ഭാഗങ്ങളില് വെള്ളക്കെട്ട് രൂപപ്പെട്ടു. തെന്മല പരപ്പാര് അണക്കെട്ടിന്റെ മൂന്ന് ഷട്ടറുകള് 50 സെന്റിമീറ്റര് ഉയര്ത്തിയിട്ടുണ്ട്. കക്കി, ആനത്തോട് ഡാമുകളിലും പമ്പ ത്രിവേണിയിലും ജലനിരപ്പ് ഉയരുന്നു. എ.സി കനാല് കരകവിഞ്ഞു. എ.സി റോഡിന്റെ പുനര്നിര്മാണ പ്രവര്ത്തനങ്ങള് തടസപ്പെട്ടു.
