ബിജെപി സംസ്ഥാന വക്താവ് സ്ഥാനത്ത് നിന്ന് പുറത്താക്കിയത് ആഭ്യന്തര വിഷയമെന്നും കാരണം പുറത്തു പറയുന്നില്ലെന്നും സന്ദീപ് വാര്യര്. അച്ചടക്കമുള്ള പാര്ട്ടി പ്രവര്ത്തകനായി തുടരുമെന്നും സന്ദീപ് വാര്യര് വ്യക്തമാക്കി. തിരുവനന്തപുരം പ്രസ് ക്ലബില് നടന്ന വാര്ത്താ സമ്മളനത്തില് സംസാരിക്കുകയായിരുന്നു അദ്ദേഹം.
ഇപ്പോള് താന് ഒരു സാധാരണ ബിജെപി പ്രവര്ത്തകനാണെന്നും ബിജെപിക്ക് കോട്ടം തട്ടുന്ന ഒരു വാക്കും തന്റെ ഭാഗത്ത് നിന്നും ഉണ്ടാകില്ലെന്നും സന്ദീപ് വാര്യര് പറഞ്ഞു. താന് അച്ചടക്കമുള്ള പാര്ട്ടി പ്രവര്ത്തകനാണെന്നും അദ്ദേഹം പറഞ്ഞു. തനിക്ക് പാര്ട്ടിയിലെ എല്ലാരുമായി നല്ല ബന്ധം. വിമത നീക്കം നടത്തിയെന്നത് അടിസ്ഥാന രഹിതമായ ആരോപണമാണെന്നും സന്ദീപ് വാര്യര് പറഞ്ഞു.
സംസ്ഥാന നേതൃത്വവുമായി ദീര്ഘകാലമായി നിലനിന്നിരുന്ന അഭിപ്രായ ഭിന്നതകള്ക്കൊടുവില് സന്ദീപ് വാര്യരെ ദിവസങ്ങള്ക്ക് മുമ്പാണ് ബിജെപി സംസ്ഥാന വക്താവ് സ്ഥാനത്ത് നിന്ന് നീക്കിയത്.
