തൃശൂരില് സ്വാതന്ത്ര്യ ദിനാഘോഷത്തില് പങ്കെടുത്ത പൊലീസുദ്യോഗസ്ഥന് കുഴഞ്ഞു വീണു മരിച്ചു. തൃശൂര് റൂറല് ജില്ലാ പോലീസ് ആസ്ഥാനത്ത് ലൈസണ് ഓഫീസര് ചുമതലയുള്ള സബ് ഇന്സ്പെക്ടര് ഇ.ആര് ബേബി ആണ് മരിച്ചത്.
രാവിലെ തേക്കിന്കാട് മൈതാനത്ത് സ്വാതന്ത്ര്യ ദിന ആഘോഷ പരിപാടികളുടെ പരേഡ് ഒരുക്കങ്ങള് വിലയിരുത്തുന്നതടക്കമുള്ള ഡ്യൂട്ടിയിലുണ്ടായിരുന്നു. പരേഡിന് ശേഷം ഓഫീസിലേക്ക് മടങ്ങിയതിന് ശേഷം നെഞ്ച് വേദന അനുഭവപ്പെടുകയായിരുന്നു. ഉടന് തന്നെ ആശുപത്രിയില് എത്തിച്ചുവെങ്കിലും മരണം സ്ഥിരീകരിച്ചു.
ബേബിയുടെ നിര്യാണത്തില് അനുശോചിച്ച് ഇന്ന് നടത്താന് നിശ്ചയിച്ചിരുന്ന പൊലീസ് കുടുംബ സംഗമം ‘സഹര്ഷം’ പരിപാടി ഉപേക്ഷിച്ചതായി ജില്ലാ പൊലീസ് മേധാവി അറിയിച്ചു. മൃതദേഹം പൊലീസ് കണ്ട്രോള് റൂമിന് മുന്നില് പൊതുദര്ശനത്തിന് വച്ചു. തൃശൂര് ചേറ്റുപുഴ സ്വദേശിയാണ് ബേബി.
