കേരളത്തിലെ ഭരണ പ്രതിപക്ഷ നേതൃത്വം മത മൗലികവാദികളുടെ പിടിയിലാണെന്ന് കേന്ദ്ര സഹമന്ത്രി വി മുരളീധരന്. പെണ്കുട്ടിയെ സമസ്ത നേതാവ് അപമാനിച്ചതില് ഭരണ – പ്രതി പക്ഷത്തിന് മൗനമാണ്. പെണ്കുട്ടി ഹിജാബിട്ട് വന്നിട്ടും വിലക്കി. പി സി ജോര്ജിന് ഒരു നീതി മുസ്ലിയാര്ക്ക് മറ്റൊരു നീതി എന്നതാണ് കേരളത്തിലെ രീതിയെന്നും മുരളീധരന് വിമര്ശിച്ചു.
വിലക്കയറ്റം തടയാന് സംസ്ഥാനം സഹകരിക്കുന്നില്ല. കേന്ദ്രത്തെ പഴിചാരി സംസ്ഥാനം രക്ഷപെടുന്നു. നികുതി കുറയ്ക്കാന് സര്ക്കാര് തയ്യാറാകുന്നില്ല. നവംബറില് കേന്ദ്രം വില കുറച്ചു. ഇന്ധന നികുതിയുടെ ഒരു വിഹിതം കേരളത്തിന് ലഭിക്കുന്നുണ്ടെന്നും മുരളീധരന് പറഞ്ഞു.
പാചക വാതക വില വര്ദ്ധനയില് വിചിത്ര ന്യായീകരണവും വി മുരളീധരന് നല്കി. യുക്രൈന് യുദ്ധം ഇന്ത്യ വിചാരിച്ചാല് നിര്ത്താനാകില്ലല്ലോ? എന്നായിരുന്നു അദ്ദേഹത്തിന്റെ പ്രതികരണം. കേന്ദ്രം നികുതി കുറച്ചതിന്റെ ആനുപാതികമായി കേരളവും കുറയ്ക്കണം. ആകെയുള്ള നികുതിയുടെ പകുതി സംസ്ഥാനത്തിന് കിട്ടുന്നുവെന്നും അദ്ദേഹം അഭിപ്രായപ്പെട്ടു.