പരിസ്ഥിതി ലോലമേഖലയിലെ സുപ്രിം കോടതി വിധിയോട് സര്ക്കാരിന് യോജിപ്പെന്ന് മുഖ്യമന്ത്രി. ജനവാസ മേഖലയെ ഒഴിവാക്കണമെന്നാണ് സംസ്ഥാന സര്ക്കാരിന്റെ നിലപാട്. ഇക്കാര്യത്തില് അനുകൂല നിലപാടിനായി കേന്ദ്ര സര്ക്കാരിനെ സമീപിക്കും. പരിസ്ഥിതി ദിനത്തോട് അനുബന്ധിച്ച് സംസ്ഥാന സര്ക്കാരിന്റെ വൃക്ഷ സമൃദ്ധി പദ്ധതി പിണറായി കണ്വെന്ഷന് സെന്ററില് ഉദ്ഘാടനം ചെയ്യുകയായിരുന്നു അദ്ദേഹം.
സുപ്രിംകോടതിയുടേത് വനസംരക്ഷണ ഉത്തരവ്. വനാതിര്ത്തി മേഖലയിലെ ജനങ്ങളുടെ താത്പര്യം സംരക്ഷിക്കും. ആശങ്ക പരിഹരിക്കാന് നിയമപരമായ സാധ്യത വിശദമായി പരിശോധിക്കും. വിഷയത്തില് ഗൗരവത്തോടെ തുടര് നടപടി സ്വീകരിക്കുമെന്ന് മുഖ്യമന്ത്രി പറഞ്ഞു.
സുപ്രിംകോടതിയുടെ വനവല്ക്കരണത്തിന് അനുകൂലമായ തീരുമാനത്തെ സര്ക്കാര് അനുകൂലിക്കുന്നു. സര്ക്കാര് ഇതിനായി നേരത്തെ തന്നെ ഒരു പാട് കാര്യങ്ങള് ചെയ്യുന്നുണ്ട്. പരിസ്ഥിതി ദുരന്തങ്ങളെ പ്രതിരോധിക്കാന് സംസ്ഥാന സര്ക്കാര് പ്രത്യേക ശ്രദ്ധ നല്കുന്നുണ്ട്. പൊതു ഇടങ്ങളില് മാലിന്യം വലിച്ചെറിയുന്ന രീതി കേരളത്തില് കാണുന്നു, അത് മാറണമെന്നും മുഖ്യമന്ത്രി പറഞ്ഞു.
പരിപാടി ഉദ്ഘാടനം ചെയ്ത് പുറത്തിറങ്ങിയ മുഖ്യമന്ത്രിയോട് തൃക്കാക്കര ഉപതെരഞ്ഞെടുപ്പ് പരാജയവുമായി ബന്ധപ്പെട്ട് മാധ്യമ പ്രവര്ത്തകര് പ്രതികരണം തേടിയെങ്കിലും അദ്ദേഹം പ്രതികരിക്കാന് തയ്യാറായില്ല.
