തിരുവനന്തപുരം: സംസ്ഥാനത്ത് നാമനിര്ദേശ പത്രികകളുടെ സൂക്ഷമപരിശോധന വെള്ളിയാഴ്ച പൂര്ത്തിയായതോടെ സംസ്ഥാനത്തെ 20 മണ്ഡലങ്ങളിലായി 204 പേരാണ് മത്സര രംഗത്തുള്ളത്. 290 പേര് പത്രിക സമര്പ്പിച്ചിരുന്നെങ്കിലും അപാകതകള് ചൂണ്ടിക്കാട്ടി സൂക്ഷമപരിശോധനയില് 86 പേരുടെ പത്രിക തള്ളിയെന്ന് മുഖ്യതിരഞ്ഞെടുപ്പ് ഓഫീസര് സഞ്ജയ് കൗള് അറിയിച്ചു. നാമനിര്ദേശ പത്രിക പിന്വലിക്കുന്നതിനുള്ള സമയപരിധി തിങ്കളാഴ്ച അവസാനിക്കും. ഇതോടെയാകും ഓരോ മണ്ഡലത്തിലേയും അന്തിമ സ്ഥാനാര്ഥി പട്ടിക തയ്യാറാകുക. ഏപ്രില് 26നാണ് സംസ്ഥാനത്ത് വോട്ടെടുപ്പ്.
ലോക്സഭ മണ്ഡലം തിരിച്ച് നിലവിലുള്ള സ്ഥാനാര്ഥികളുടെ എണ്ണം,
ബ്രായ്ക്കറ്റില് തള്ളിയ പത്രികകളുടെ എണ്ണം :
തിരുവനന്തപുരം 13(തള്ളിയത് 9), ആറ്റിങ്ങല് 7(7), കൊല്ലം 12(3), പത്തനംതിട്ട 8(2), മാവേലിക്കര 10(4), ആലപ്പുഴ 11(3), കോട്ടയം 14(3), ഇടുക്കി 8(4), എറണാകുളം 10(4), ചാലക്കുടി 12(1), തൃശൂര് 10(5), ആലത്തൂര് 5(3), പാലക്കാട് 11(5), പൊന്നാനി 8(12), മലപ്പുറം 10(4), വയനാട് 10(2), കോഴിക്കോട് 13(2), വടകര 11(3), കണ്ണൂര് 12(6), കാസര്കോട് 9(4).
