കൊച്ചി: റെഗുലേറ്ററി കമ്മീഷന്‍ റദ്ദാക്കിയ വൈദ്യുതി കരാറുകള്‍ക്ക് മന്ത്രിസഭ സാധൂകരണം നല്‍കി. ചീഫ് സെക്രട്ടറിയുടെ റിപ്പോര്‍ട്ട് പരിഗണിച്ചാണ് തീരുമാനം. റെഗുലേറ്ററി കമ്മീഷന്‍ പിശകുകള്‍ ചൂണ്ടിക്കാണിച്ച് റദ്ദാക്കിയ കരാറിനാണ് സാധൂകരണം നല്‍കാന്‍ തീരുമാനിച്ചിരിക്കുന്നത്. പൊതുതാത്പര്യം മുന്‍നിര്‍ത്തിയാണ് തീരുമാനമെടുക്കുന്നതെന്ന് മന്ത്രിസഭായോഗം അറിയിച്ചു.
പുതിയ ടെന്‍ഡര്‍ വിളിച്ചാല്‍ ഉയര്‍ന്ന വില നല്‍കേണ്ടി വരും. ഇത് വൈദ്യുതി ചാര്‍ജിലും പ്രതിഫലിക്കും. അതുകൊണ്ട് റെഗുലേറ്ററി കമ്മീഷന്‍ റദ്ദാക്കിയ കരാറുകള്‍ക്ക് സാധൂകരണം നല്‍കുന്നതാണ് ഉചിതം എന്നും മന്ത്രിസഭാ വിലയിരുത്തി. ഓണ്‍ലൈനായി ചേര്‍ന്ന മന്ത്രിസഭയോഗമാണ് ഈ തീരുമാനമെടുത്തത്.
