മെഗാസ്റ്റാർ മമ്മൂട്ടിയുടെ ഫാനായ കഥാപാത്രത്തിന്റെ ജീവിതം പറയുന്ന നാൻസി റാണിയുടെ രണ്ടാം പോസ്റ്റർ പുറത്തിറങ്ങി. അഹാന കൃഷ്ണകുമാർ, അർജുൻ അശോകൻ ചിത്രത്തിന്റെ ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. നവാഗതനായ ജോസഫ് മനു ജെയിംസാണ് ചിത്രത്തിന്റെ കഥയും സംവിധാനവും. കൈലാത്ത് ഫിലിംസ്, മനു ജെയിംസ് സിനിമാസ്, പ്രോംപ്റ്റ് പ്രോഡക്ഷൻസ് എന്നിവയുടെ ബാനറിൽ റോയ് സെബാസ്റ്റ്യൻ കൈലാത്ത്, ജോൺ ഡബ്ല്യു വർഗീസ്, നൈന മനു ജെയിംസ് എന്നിവർ ചേർന്നാണ് ചിത്രം നിർമ്മിക്കുന്നത്.
അജു വര്ഗീസ്, ലാല്, ശ്രീനിവാസന്, മല്ലിക സുകുമാരന്, മാമുക്കോയ, സണ്ണി വെയിന്, കോട്ടയം പ്രദീപ്, അബു സലീം, ഇന്ദന്സ്, ധ്രുവന്, തെന്നൽ, ലെന, ഇര്ഷാദ് അലി, അനീഷ് മേനോന്, വൈശാഖ് നായര്, മാലാ പാര്വ്വതി, ജോളി ചിറയത്ത്, നന്ദു പൊതുവാള്, ദേവി അജിത്ത്, സുധീര് കരമന, അസീസ് നെടുമങ്ങാട്, സോഹന് സീനുലാല് തുടങ്ങി മുപ്പതിലധികം സിനിമാ താരങ്ങളാണ് ചിത്രത്തില് വേഷമിടുന്നത്. ഒപ്പം നൂറ്റിമുപ്പതിലധികം പുതുമുഖങ്ങളും നാന്സി റാണിയിലൂടെ അരങ്ങേറുന്നു. സിനിമ പഠിക്കാനാഗ്രഹിക്കുന്ന അമ്പതോളം വിദ്യാര്ത്ഥികളും പ്രോഡക്ഷന് ടീമിന്റെ ഭാഗമാകുന്നു എന്നതാണ് മറ്റൊരു പ്രത്യേകത.
നാന്സി റാണി എന്ന മമ്മൂട്ടിയുടെ കടുത്ത ആരാധികയായ ഒരു തല തെറിച്ച പെണ്കുട്ടിയുടെ കഥയാണ് നാന്സി റാണി പറയുന്നത്. നാന്സിയുടെ ജീവിതത്തിലൂടെയുള്ള യാത്രയാണ് സിനിമ. അഭിനയമോഹിയായ നാന്സിയുടെ സിനിമയിലേക്കെത്തിപ്പെടാനുള്ള പോരാട്ടം തികച്ചും രസകരമായ മുഹൂര്ത്തങ്ങളിലൂടെയാണ് ഒരുക്കിയിരിക്കുന്നത്. അമേരിക്ക, ഗ്രീസ്, കോട്ടയം, തിരുവനന്തപുരം, തൊടുപുഴ, മൂന്നാര്, വട്ടവട, കുട്ടിക്കാനം, എന്നിവടങ്ങളിലായാണ് ചിത്രീകരണം പൂര്ത്തിയാക്കിയത്. ഡിസംബറില് ചിത്രം തിയേറ്ററുകളിലെത്തും. 2004ൽ സാബു ജെയിംസ് സംവിധാനം ചെയ്ത ഐആം ക്യൂരിയസ് എന്ന ചിത്രത്തിലൂടെ ബാലതാരമായി സിനിമയിലെത്തിയ മനു ജെയിംസ് മലയാളം, തെലുങ്ക്, കന്നട, ബോളിവുഡ്, ഹോളിവുഡ് സിനിമകളില് പ്രവര്ത്തിച്ച പരിജയത്തോടെയാണ് സംവിധായകനാകുന്നത്.
എക്സിക്യൂട്ടീവ് പ്രൊഡ്യുസർ: ടോണി നെല്ലിക്കാട്ട്, രജനീഷ് ബാബു, റൈന സുനിൽ, കോ പ്രൊഡ്യൂസേഴ്സ്: ബിജു, അശോക് വി എസ്, ശരത് കൃഷ്ണ, അനൂപ് ഫ്രാൻസിസ്, നവൽ മോഹൻ, ചീഫ് അസോസിയേറ്റ് ഡയറക്ടർ: ലിജു രാജു, അമിത് സി മോഹനൻ, അഖിൽ ബാലൻ, അനുജിത് മുരനന്ദകുമാർ, കൃഷ്ണപ്രസാദ് , പ്രൊഡക്ഷൻ കൺട്രോളർ: ശശി പൊതുവാൾ, മേക്കപ്പ്: മിട്ട ആന്റണി, കോസ്റ്റിയും: കൃഷ്ണപ്രസാദ് മുരളി, ബിജു. വിഎഫ്എക്സ്: ഉജിത്ത് ലാൽ, ഛായാഗ്രഹണം: രാകേഷ് നാരായണൻ, സെക്കൻഡ് യൂണിറ്റ് ക്യാമറാമാൻ: അനൂപ് ഫ്രാൻസിസ്, അരവിന്ദ് ലാൽ, ആർട്ട്: പ്രഭ കൊട്ടാരക്കര, എഡിറ്റിംഗ്: അമിത് സി മോഹനൻ, മ്യൂസിക്: മനു ഗോപിനാഥ്, ടാവോ ഇസാരോ, അമിത് സി മോഹൻ, നിഹാൽ ചന്ദ്രൻ, അഭിത് ചന്ദ്രൻ സ്റ്റാഫ് മാനുവൽ ജോമി, മിഥുൻ മധു, പശ്ചാത്തല സംഗീതം: സ്വാതി മനു പ്രതീകം പി ആർ: ടെൻ ഡിഗ്രി നോർത്ത് കമ്മ്യൂണിക്കേഷൻ സംഘടന അണിയറ പ്രവർത്തകർ.
