മുംബൈ: 13 കോടിയുടെ വന് ആയുധ ശേഖരവും കോടികള് വില വരുന്ന മയക്കുമരുന്നുകളും പിടിച്ചെടുത്തു. മഹാരാഷ്ട്രയിലെ പാല്ഘറില് നിന്നാണ് എകെ 47 തോക്കുകകളടക്കം 13 കോടിരൂപയുടെ ആയുധങ്ങള് പിടിച്ചെടുത്തത്. സംഘത്തിന്റെ കൈയില് നിന്നും മയക്കുമരുന്നും പൊലീസ് പിടികൂടി. അറസ്റ്റിലായ രണ്ടുപേരില് നിന്നും 80 ലക്ഷം രൂപയും കണ്ടെടുത്തു. ഹെറോയിനും ബ്രൗണ്ഷുഗറുമടക്കം രാജ്യത്തിന് പുറത്തുനിന്നെത്തിച്ച മയക്കുമരുന്നുകളാണ് കണ്ടെടുത്തത്.
മഹാരാഷ്ട്ര- ഗുജറാത്ത് അതിര്ത്തിയില് നടത്തിയ തെരച്ചിലിലാണ് ഇവര് പിടിയിലാത്. ഇനിയും ആളുകള് ഈ സംഘത്തില് ഉള്പ്പെട്ടിട്ടുണ്ടെന്ന വിവരത്തെതുടര്ന്ന് പൊലീസ് തെരച്ചില് തുടരുകയാണ്. അറസ്റ്റിലായവര്ക്ക് തീവ്രവാദ ബന്ധമുണ്ടോയെന്നും പൊലീസ് പരിശോധിക്കുന്നുണ്ട്. ഇതുവരെ പിടികൂടിയതില് വെച്ച് ഏറ്റവും വലിയ ആയുധവേട്ടയാണ് സംസ്ഥാനത്ത് നടന്നതെന്ന് മഹാരാഷ്ട്ര പൊലീസ് മാധ്യമങ്ങളോട് പറഞ്ഞു
