മുംബൈ: ഭയന്ദര് ഈസ്റ്റിലെ ആസാദ് നഗര് ചേരിയില് വന് തീപിടിത്തം. നിരവധി വീടുകളും വാണിജ്യ സ്ഥാപനങ്ങളും കത്തിനശിച്ചു.
രാവിലെ ആറിനാണ് തീപിടിത്തമുണ്ടായത്.
തീപിടിത്തത്തില് ചിലര്ക്ക് പരിക്കേറ്റതായി അധികൃതര് അറിയിച്ചു. ആളപായം ഇതുവരെ റിപ്പോര്ട്ട് ചെയ്തിട്ടില്ല. പ്രദേശം മുഴുവന് പുക മൂടിയിരിക്കുകയാണ്. ചില സ്ഫോടനശബ്ദം കേട്ടതായി പ്രദേശവാസികള് പറയുന്നു.
24 ഫയര് എന്ജിനുകള് സ്ഥലത്തെത്തി. നാട്ടുകാരും പോലീസും അഗ്നിരക്ഷാസേനയും ചേര്ന്ന് തീയണയ്ക്കാനുള്ള ശ്രമങ്ങള് തുടരുന്നു.