തിരുവനന്തപുരം: മുഖ്യമന്ത്രിയുടെ ദുരിതാശ്വാസ നിധി വകമാറ്റിയെന്ന ഹര്ജി ലോകായുക്ത ഫുള് ബെഞ്ച് തള്ളി. പണം നല്കാന് മുഖ്യമന്ത്രിക്ക് അധികാരമുണ്ട്.വിഷയത്തില് മുഖ്യമന്ത്രിയും മന്ത്രിമാരും ക്രമക്കേട് നടത്തിയിട്ടില്ലെന്നും ലോകായുക്ത വ്യക്തമാക്കി.
ലോകായുക്ത ജസ്റ്റീസ് സിറിയക് ജോസഫ്, ഉപലോകയുക്തമാരായ ജസ്റ്റീസ് ഹരുണ് അല് റഷീദ്, ജസ്റ്റീസ് ബാബു മാത്യു പി. ജോസഫ് എന്നിവരുള്പ്പെട്ട ബെഞ്ചാണ് വിധി പറഞ്ഞത്.നേരത്തെ, വിധി പറയുന്നതില് നിന്നും ഉപലോകായുക്തമാരായ ജസ്റ്റീസ് ഹാറൂണ് അല് റഷീദിനെയും ബാബു മാത്യു പി. ജോസഫിനെയും ഒഴിവാക്കണമെന്ന പരാതിക്കാരന്റെ ആവശ്യവും ലോകായുക്ത തള്ളി.
കേസില് ആര്.എസ്. ശശികുമാര് ആയിരുന്നു ഹര്ജിക്കാന്. മുഖ്യമന്ത്രി പിണറായി വിജയനും കഴിഞ്ഞ മന്ത്രിസഭയിലെ 18 മന്ത്രിമാരുമായിരുന്നു എതിര് കക്ഷികള്.
