മൂവാറ്റുപുഴ : അന്വേഷണ നേട്ടങ്ങളും ഔദ്യോഗികമികവും, കളളക്കേസില് കുടുക്കി പുകച്ചു ചാടിക്കാന് ശ്രമം , സത്യം തിരിച്ചറിഞ്ഞ കോടതി ബിജു . കെ സ്റ്റീഫനെതിരായ കേസ് കോടതി തള്ളി. മികച്ച സര്വ്വീസ് റെക്കോര്ഡുകള്, ഏറ്റെടുത്ത കേസുകളില് മുഴുവന് കുറ്റവാളികളെ അഴിക്കുളളിലാക്കിയ അന്വേഷണമികവ്.
ത്രിശൂര് എ എസ് പിയായ ബിജു കെ. സ്റ്റീഫന്. എന്നിട്ടും കുബുദ്ധികള് അനധികൃത സ്വത്ത് സമ്പാദനക്കേസില് കുടുക്കി പുകയ്ക്കാന് ശ്രമം. തുടര്ന്ന് സസ്പെന്ഷനും. ഒടുവില് തുടര് അന്വേഷണ റിപ്പോര്ട്ടുകളുടെ അടിസ്ഥാനത്തില് കോടതി കുറ്റവിമുക്തനാക്കിയത് നീതിയുടെ വെളിച്ചം.
മൂവാറ്റുപുഴ വിജിലന്സ് കോടതിയുടെതാണ് ഉത്തരവ്. വരുമാനത്തില് കവിഞ്ഞ സ്വത്ത് സമ്പാദിച്ചു എന്ന കേസിലാണ് മുന് കോട്ടയം ഡിവൈ.എസ്.പി ബിജു കെ സ്റ്റീഫനെതിരെയുള്ള തുടര്നടപടികള് മൂവാറ്റുപുഴവിജിലന്സ് കോടതി അവസാനിപ്പിച്ചത്.
കോട്ടയം ഡി വൈ എസ് പി ആയിരിക്കെ 2016 ജൂലൈ മാസത്തിലാണ് രഹസ്യ വിവരത്തിന്റെ അടിസ്ഥാനത്തില് അന്നത്തെ വിജിലന്സ് ഡയറക്ടര് ജേക്കബ് തോമസിന്റെ നിര്ദേശപ്രകാരമാണ് ബിജുവിനെതിരെ കേസ് എടുത്തത്
അന്വേഷണത്തില് കുറ്റം സ്ഥാപിക്കാനാവശ്യമായ തെളിവുകള് കണ്ടെത്താന് കഴിയാത്തതിനാല് കേസ്അവസാനിപ്പിക്കാന് അനുവാദം തേടി അന്വേഷണ ഉദ്യോ?ഗസ്ഥനായിരുന്ന എറണാകുളം വിജിലന്സ് സ്പെഷ്യല് സെല് എസ്.പി സമര്പ്പിച്ച അന്വേഷണ റിപ്പോര്ട്ട് അം?ഗീകരിച്ചുകൊണ്ടാണ് സ്പെഷല് ജഡ്ജി എന്.വി. രാജു ഉത്തരവ് പുറപ്പെടുവിച്ചത്.
നാലുകെട്ട് മാതൃകയില് ആഢംബര ഭവനം പണിതു എന്നതായിരുന്നു പ്രധാന ആരോപണം. വീടും ഓഫീസും ഉള്പ്പെടെ നാലിടങ്ങളില് പരിശോധന നടത്തിയ വിജിലന്സ് സംഘം വസ്തു, വാഹന വില്പന സംബന്ധമായ 16 രേഖകള് പിടിച്ചെടുത്തതായി
അവകാശപ്പെട്ടു. തുടര്ന്ന് ബിജുവിനെ സര്വീസില് നിന്നും സസ്പെന്റ് ചെയ്തു.
എന്നാല് പിന്നീട് നടത്തിയ വിശദമായ അന്വേഷണത്തില് ആരോപണങ്ങള് അടിസ്ഥാന രഹിതമാണെന്ന് തെളിഞ്ഞെന്ന് ഉദ്യോഗസ്ഥന് കോടതിയെ അറിയിച്ചു. പിടിച്ചെടുത്ത വസ്തു സംബന്ധമായ രേഖകള് പിതൃ സ്വത്തുമായി ബന്ധപ്പെട്ടവയായിരുന്നുവെന്നും വാഹന സംബന്ധമായ രേഖ ബിജുവിന്റെ ഭാര്യയുടെ ഉടമസ്ഥതയിലുള്ള കാറിന്റെ വില്പന കരാര് ആയിരുന്നുവെന്നും ബോധ്യപ്പെട്ടു. നാലുകെട്ട് മാതൃകയില് വീട് പണിതു എന്നത് ശരിയാണെങ്കിലും ഇതിനായി ബിജുവിന്റെയും ഭാര്യയുടെയും ഒരേക്കറോളം വരുന്ന പിതൃ സ്വത്തുക്കള് വില്പന നടത്തിയിരുന്നതായും 20 ലക്ഷം രൂപ ബാങ്ക് ലോണ് എടുത്തിരുന്നതായും വിദേശത്ത് ജോലി ചെയ്യുന്ന അടുത്ത ബന്ധുക്കളില് നിന്നും സാമ്പത്തിക സഹായം ലഭിച്ചിരുന്നതായും കണ്ടെത്തി.
ഇതിനെ തുടര്ന്നാണ് അന്വേഷണം അവസാനിപ്പിക്കാന് അനുമതി തേടി അന്വേഷണ ഉദ്യോഗസ്ഥന് കോടതികയ സമീപിച്ചത്. എഫ്ഐആര് സമര്പ്പിച്ച അതേ എസ്.പി തന്നെയാണ് തുടര് നടപടികള് അവസാനിപ്പിക്കാന് അനുമതി തേടിയത്.
