പുതുപ്പള്ളി : പുതുപ്പള്ളി മണ്ഡലത്തിന്റെ പുതിയ എംഎല്എ ആരെന്നറിയാന് ഇനി നിമിഷങ്ങള് മാത്രം ബാക്കി. കോട്ടയം ബസേലിയസ് കോളജിലെ വോട്ടെണ്ണല് കേന്ദ്രത്തില് ഒരുക്കങ്ങളെല്ലാം പൂര്ത്തിയായി. 8 മണിക്ക് വോട്ടെണ്ണല് ആരംഭിക്കും. 13 റൗണ്ടുകളായാണ് വോട്ടെണ്ണുക. അവസാനവട്ട കണക്കുകൂട്ടലുകളും കഴിഞ്ഞ് ഫലമറിയാന് കാത്തിരിക്കുകയാണ് മൂന്നു മുന്നണികളും. പോളിങ്ങില് ഉണ്ടായ കുറവാണ് ഇടതു വലതു മുന്നണികളിലെ പ്രധാന ചര്ച്ചാവിഷയം. ഫലസൂചനകള് ആദ്യ മണിക്കൂറുകളില് തന്നെ ലഭിക്കുമെന്നാണ് കരുതുന്നത്.
