മൂവാറ്റുപുഴ: നഗര വികസന നിര്‍മ്മാണ പ്രവര്‍ത്തനങ്ങള്‍ വേഗത്തിലാക്കും. കിഫ് ബി ഗൈഡ് ലൈന്‍ അനുസരിച്ച് കെആര്‍ എഫ് ബി നിര്‍ദേശ പ്രകാര അതിവേഗം നിര്‍മ്മാണം പൂര്‍ത്തിയാക്കും. നിര്‍മ്മാണ കമ്പനിയുടെ സംശയങ്ങള്‍ സംമ്പന്ധിച്ച തര്‍ക്കങ്ങള്‍ മാത്യു കുഴല്‍ നാടന്‍ .എം എല്‍ എ വിളിച്ചു ചേര്‍ത്ത ഉന്നത തല യോഗത്തില്‍ പരിഹരിച്ചു. കെ.എസ്.ഇ.ബിയുടെ ആവശ്യമായ മാറ്റേണ്ട മുഴുവന്‍ പോസ്റ്റുകളും നീക്കം ചെയ്യും.
സയാഹ്നജംഗ്ഷനില്‍ റോഡിലെ പോസ്റ്റുകള്‍ ഒഴിവാക്കിയ സ്ഥലങ്ങളില്‍ വാഹനം കടന്നുപോകാന്‍ ആവശ്യമായ സജീകരണ ങ്ങള്‍ ഒരുക്കും.കെ.ആര്‍.എഫ്.ബി നിര്‍ദേശപ്രകാരം അതിവേഗം നിര്‍മ്മാണം പൂര്‍ത്തിയാക്കുമെന്ന് കരാര്‍ കമ്പനി ഉറപ്പ് നല്‍കി. നഗരത്തിലെ മുഴുവന്‍ പുറമ്പോക്കുകളും ഒഴിപ്പിക്കാന്‍ നോട്ടീസ് നല്‍കാന്‍ ലാന്‍ഡ് അക്വസിഷന്‍(എല്‍ എ) തഹസീല്‍ദാരെ യോഗം ചുമതലപ്പെടത്തി.
കള്‍വെട്ടുകളുടെ നിര്‍മ്മാണം ഉടന്‍ തുടങ്ങും. നിര്‍മ്മാണ പ്രവര്‍ത്തനങ്ങളുടെ ഭാഗമായി പൊലിസുമായി ആലോചിച്ച് ട്രാഫിക് ക്രമീകരണങ്ങള്‍ ഏര്‍പ്പെടുത്തിയ ശേഷമാവും നിര്‍മ്മാണം.മിനി മാത്യു (ഇ ഇ – കെ.ആര്‍.എഫ് ബി )സര്‍വ്വേ ഡപ്യൂട്ടി ഡയറക്ടര്‍ കെ.കെ. സുനില്‍ , രതീഷ് കുമാര്‍ (ഇ ഇ – വാട്ടര്‍ അതോറിറ്റി), കരാറുകാരുടെ പ്രതിനിതികളും വിവിധ വകുപ്പ് മേധാവികളും യോഗത്തില്‍ പങ്കെടുത്തു.
