കൊച്ചി : താലസീമിയ രോഗിയായ യുവതിക്ക് രക്തം സ്വീകരിച്ചതിന് പിന്നാലെ ഹെപ്പറ്റൈറ്റിസ് വൈറസ് ബാധിച്ചതായി പരാതി. ആലുവ ജില്ലാ ആശുപത്രിയില്നിന്ന് രക്തം സ്വീകരിച്ച താലസീമിയ രോഗിയായ 27കാരിക്കാണ് ഗുരുതര രോഗലക്ഷണങ്ങള് കണ്ടത്.തുടര്ന്ന് പരിശോധന നടത്തിയപ്പോഴാണ് ഹെപ്പറ്റൈറ്റിസ് വൈറസ് ബാധ കണ്ടെത്തിയത്.
ആലുവ കുന്നത്തേരി സ്വദേശിനിയായ യുവതി കഴിഞ്ഞ 27 വര്ഷമായി രക്തപ്പകര്ച്ചയിലൂടെയാണ് ജീവൻ നിലനിര്ത്തുന്നത്. താലസീമിയ രോഗിയായതിനാല് 15 ദിവസത്തിനിടെ രക്തപ്പകര്ച്ച നടത്തണം. ജില്ലാ ആശുപത്രിയില് അമൃത ആശുപത്രിയിലെ ഡോക്ടര്മാര് നടത്തുന്ന സൗജന്യ സേവനത്തിന്റെ ഭാഗമായി പരിശോധന നടത്തിയപ്പോഴാണ് ഹെപ്പറ്റൈറ്റിസ് വൈറസായ എച്ച്ബിഎസ്എജി കണ്ടെത്തിയത്.
