എറണാകുളത്ത് ട്രിപ്പിള് ലോക്ക് ഡൗണ് ഏര്പ്പെടുത്താന് സാധ്യത. രോഗ വ്യാപനം കൂടിയ മേഖലകള് ക്ലസ്റ്റര് കണ്ടെയ്ന്മെന്റ് സോണായി പ്രഖ്യാപിക്കുമെന്ന് നേരത്തെ അറിയിച്ചിരുന്നു. ഇവിടം പൂര്ണമായും അടച്ചിടും. ഈ മേഖലകളില് ഒരു ഇളവും നല്കില്ല. ഇവിടെ സാമൂഹിക വ്യാപനം തടയാന് എല്ലാവരെയും പരിശോധനക്ക് വിധേയരാക്കാനാണ് അധികൃതരുടെ തീരുമാനം. രോഗ വ്യാപനം ശക്തമാകുന്ന സാഹചര്യത്തിലും ഇളവുകള് ഉള്ളതിനാല് പൊതുജനങ്ങള് ജാഗ്രതയോടെ പെരുമാറണമെന്നാണ് കലക്ടറുടെ നിര്ദ്ദേശം. ആളുകള് സാമൂഹിക അകലം പാലിക്കുകയും മാസ്ക് ധരിക്കുകയും ബ്രേക്ക് ദ് ചെയിന് നിര്ദ്ദേശങ്ങള് പാലിക്കുകയും ചെയ്യണം. ആരോഗ്യ വകുപ്പിന്റെ മാര്ഗ നിര്ദ്ദേശങ്ങള് കൃത്യമായി പാലിക്കുന്നുണ്ടെന്ന് ഉറപ്പാക്കാന് എല്ലാ തദ്ദേശ സ്വയം ഭരണ സ്ഥാപനങ്ങളിലും വാര്ഡ് തലത്തില് സോഷ്യല് ഡിസ്റ്റന്സിംഗ് എന്ഫോഴ്സ്മെന്റ് ടീം രൂപീകരിക്കണമെന്നും കലക്ടര് നിര്ദ്ദേശം നല്കിയിട്ടുണ്ട്.
