ശാരീരിക അവശത അനുഭവിക്കുന്ന അംഗപരിമിതരെ ശാരീരികവും സാമൂഹികവും മാനസികവുമായ പുനരധിവാസം പ്രോത്സാഹിപ്പിക്കാന് വേണ്ടി അവര്ക്ക് ആവശ്യമായ സഹായ ഉപകരണങ്ങള് സൗജന്യമായി ലഭ്യമാക്കുക എന്ന ലക്ഷ്യത്തോടെ കേന്ദ്ര സാമൂഹ്യ നീതി മന്ത്രാലയത്തിന്റെ എ.ഡി.ഐ.പി പദ്ധതി പ്രകാരം ഗുണഫോക്താക്കളെ കണ്ടെത്തുന്നതിന് മൂവാറ്റുപുഴ, കോതമംഗലം ബ്ലോക്ക് പഞ്ചായത്തിന്റെ പരിധിയില് വരുന്ന മുഴുവന് ഗുണഭോക്താക്കള്ക്കുമായി 26.11.2022 രാവിലെ 9 മുതല് പുതുപ്പാടി ഫാ. ജോസഫ് മെമ്മോറിയല് ഹയര് സെക്കണ്ടറി സ്ക്കൂളില് വച്ച് നടക്കുമെന്ന് ഡീന് കുര്യാക്കോസ് എം.പി. അറിയിച്ചു.
കേന്ദ്ര പൊതുമേഖല സ്ഥാപനമായ അലിംകോ Artificial Limbs Manufacturing Corporation of India (ALIMCO) യുടെ നേതൃത്വത്തില് സംസ്ഥാന സാമൂഹ്യ നീതി വകുപ്പിന്റെ സഹകരണത്തോടെയാണ് ക്യാമ്പ് സംഘടിപ്പിച്ചിരിക്കുന്നത്.
40% ഡിസെബിലിറ്റിയുള്ളവരും മാസവരുമാനം 22500/ രൂപയില് താഴെയുള്ളവരുമായ അംഗ പരിമിതര്ക്ക് ഈ ക്യാമ്പില് പങ്കെടുക്കുന്നതിന് അര്ഹതയുണ്ടായിരിക്കും. ഭിന്നശേഷി സഹായ ഉപകരണങ്ങള് ആവശ്യമുള്ളവര് ഡിസെബിലിറ്റി സര്ട്ടിഫിക്കറ്റ്, റേഷന്കാര്ഡ്, ആധാര്കാര്ഡ്/ വോട്ടര് ഐഡി/ ഡ്രൈവിങ്ങ് ലൈസന്സ്, ഒരു പാസ്പോര്ട്ട് സൈസ് ഫോട്ടോ സഹിതം ക്യാമ്പില് എത്തിച്ചേരേണ്ടതാണ്.
ഈ ക്യാമ്പ് സംബന്ധിച്ച് വിവരം എല്ലാ കഇഉട സൂപ്പര്വൈസര്മാരും CDPO, അംഗണവാടി വര്ക്കര്, ആശാ വര്ക്കര്മാര്, ത്രിതല പഞ്ചായത്ത് ജനപ്രതിനിധികള് എന്നിവര് തന്റെ പ്രദേശത്തെ പരമാവധി ഭിന്നശേഷി സഹോദരങ്ങള്ളെ അറിയിക്കണമെന്നും പരമാവധി ഭിന്നശേഷി അംഗങ്ങളുടെ പ്രാതിനിധ്യം ഉറപ്പ് വരുത്തുവാനും എം.പി. അഭ്യര്ത്ഥിച്ചു.