മൂവാറ്റുപുഴ: ഞങ്ങളും കൃഷിയിലേയ്ക്ക് പദ്ധതിയുടെ ഭാഗമായി കേരള കര്‍ഷകസംഘം മഞ്ഞള്ളൂര്‍ വില്ലേജ് കമ്മിറ്റിയുടെ നേതൃത്വത്തില്‍ മഞ്ഞള്ളൂര്‍ പാടത്ത് കൃഷിയിറക്കി. കേരള കര്‍ഷകസംഘം സംസ്ഥാന ട്രഷറര്‍ ഗോപി കോട്ടമുറിയ്ക്കല്‍ പാടത്ത് വിത്ത് വിതച്ച് കൃഷി ഉദ്ഘാടനം ചെയ്തു.
സിപിഐ എം ലോക്കല്‍ സെക്രട്ടറി എംകെ മധു അധ്യക്ഷനായി. പഞ്ചായത്ത് പ്രസിഡന്റ് ആന്‍സി ജോസ്, മെമ്പര്‍മാരായ കെ വി സുനില്‍, ജോസ് കൊട്ടുപ്പിള്ളി, കൃഷി ഓഫീസര്‍ ആരിഫ മക്കാര്‍, ലോക്കല്‍ കമ്മിറ്റി അംഗം എം ടി സജീവന്‍, ബ്രാഞ്ച് സെക്രട്ടറിമാരായ എ കെ അശോകന്‍, എ കെ വിനോദ്, കെ ബിനോജി, കര്‍ഷകസംഘം വില്ലേജ് പ്രസിഡന്റ് ജോളി മാത്യു എന്നിവര്‍ സംസാരിച്ചു.
കര്‍ഷക സംഘം യൂണിറ്റ് പ്രസിഡന്റ് ഫ്രാന്‍സിസ് മണ്ണപ്പുറത്ത്, യൂണിറ്റ് അംഗം ബാബു ഇലവുങ്കല്‍ എന്നിവര്‍ പാട്ടത്തിനെടുത്ത സ്ഥലത്താണ് കൃഷിയിറക്കിയത്. പഞ്ചായത്തില്‍ നെല്‍കൃഷി വ്യാപിപ്പിയ്ക്കുകയെന്ന പദ്ധതിയിലൂടെ പരമ്പരാഗത കൃഷിയും ആധുനിക കൃഷി രീതിയുമുപയോഗിച്ച് വിവിധ പാടശേഖരങ്ങളില്‍ കൃഷി തുടങ്ങി.
