നീരൊഴുക്ക് ശക്തമായതോടെ നാളെ രാവിലെ 11 മണിക്ക് ഇടുക്കി ഡാമിന്റെ ഷട്ടറുകള് ഉയര്ത്താന് തീരുമാനം. രണ്ട് ഷട്ടറുകള് 50 സെ മീ വീതം ഉയര്ത്തും. 64 കുടുംബങ്ങളെ മാറ്റിപ്പാര്പ്പിക്കും. വെള്ളം ഒഴുകുന്നതിനുള്ള തടസം നീക്കും. ഇന്ന് വൈകിട്ട് ആറുമണിയോടെ ഇടുക്കി ഡാമില് റെഡ് അലേര്ട്ട് പ്രഖ്യാപിച്ചേക്കും.
ഇടുക്കി അണക്കെട്ടിനു സമീപ വാസികള്ക്ക് ജാഗ്രതാ ജാഗ്രതാ നിര്ദേശം പുറപ്പെടുവിച്ച് ജില്ലാ ഭരണകൂടം. ഡാം മേഖലയിലേക്ക് രാത്രികാല യാത്ര വേണ്ട. പെരിയാറിന്റെ തീരത്തുള്ളവര് ജാഗ്രത പാലിക്കണം.
മുന്കാല അനുഭവം കണക്കിലെടുത്താണ് നാളെ രാവിലെ 11 മണിക്ക് ഇടുക്കി ഡാമിന്റെ ഷട്ടറുകള് ഉയര്ത്താന് തീരുമാനിച്ചതെന്ന് മന്ത്രി റോഷി അഗസ്റ്റിന് പറഞ്ഞു. ഷട്ടറുകള് 3 സെ മി ഉയര്ത്തി 100 ക്യുമിക്സ് ജലം പുറത്തേക്ക് ഒഴുക്കും. സെക്കന്ഡില് ഒരു ലക്ഷം വെള്ളം പുറത്തേക്ക് ഒഴുക്കും. ആവശ്യമായ മുന് കരുതലുകള് സ്വീകരിച്ചിട്ടുണ്ടെന്നും മന്ത്രി വ്യക്തമാക്കി.
ഇപ്പോഴത്തെ നിലയില് രാവിലെ 7 മണിക്ക് ജലനിരപ്പ് അപ്പര് റൂള് കര്വിലെത്തും. വേണ്ടത്ര മുന്നൊരുക്കങ്ങള് സ്വീകരിക്കാന് ജില്ലാ കലക്ടര് നിര്ദേശം നല്കി. ഇടുക്കിയില് നിന്ന് വെള്ളമൊഴുക്കുന്ന പ്രദേശങ്ങളിലെല്ലാമാണ് ജാഗ്രതാ നിര്ദേശം. പൊതുജനങ്ങളും അധികാരികളും ജാഗ്രത പാലിക്കണമെന്ന് ഇടുക്കി ജില്ലാ കലക്ടര് അറിയിച്ചു.
