മലപ്പുറം: കൊളത്തൂരില് സ്വകാര്യ ബസുമായി കൂട്ടിയിടിച്ചതിന് പിന്നാലെ ഓടി രക്ഷപ്പെടാന് ബൈക്ക് യാത്രികന്റെ ശ്രമം. ഒടുവില് നാട്ടുകാര് പിടികൂടി ആശുപത്രിയില് പ്രവേഴിച്ചപ്പോശാണ് യുവാവിന്റെ ഓട്ടത്തിന്റെ കാര്യം വ്യക്തമായത്. കയ്യിലുണ്ടായിരുന്ന പ്ലാസ്റ്റിക് കവര് പരിശോധിച്ചപ്പോള് കഞ്ചാവ്. ഇന്നലെ രാവിലെ പതിനൊന്നോടെ പാങ്ങ് ചേണ്ടിയിലാണ് അപകടം നടന്നത്.
അപകടത്തില് ഏറ്റ പരിക്ക് വക വെക്കാതെയാണ് യാത്രികന് ഓടിയത്. പിന്നാലെ ഓടിയ നാട്ടുകാര് യുവാവിനെ പിടികൂടി ആശുപത്രിയിലെത്തിച്ചു. എന്നാല് ഓടിയതിന്റെ കാരണം മനസ്സിലായത് കയ്യിലുണ്ടായിരുന്ന പ്ലാസ്റ്റിക് കവര് പരിശോധിച്ചപ്പോഴാണ്. കവറില് ഉണ്ടായിരുന്നത് കഞ്ചാവായിരുന്നു.
കാടാമ്പുഴ ഭാഗത്തു നിന്ന് വരികയായിരുന്ന ബസുമായാണ് എതിര് ദിശയിലെത്തിയ ബൈക്ക് ഇടിച്ചത്. യുവാവിന് കാര്യമായി പരുക്കേറ്റിരുന്നു. ആളുകള് ഓടിക്കൂടിയതോടെ പരിക്ക് വകവയ്ക്കാതെ യുവാവ് ഓടിരക്ഷപ്പെടാന് ശ്രമിക്കുകയായിരുന്നു. അപകടം മൂലമുണ്ടായ മാനസിക വിഭ്രാന്തിയാകുമെന്ന് കരുതി പിന്നാലെ ഓടിയ നാട്ടുകാര് യുവാവിനെ പിടികൂടി ചേണ്ടിയിലെ പഞ്ചായത്ത് കുടുംബാരോഗ്യ കേന്ദ്രത്തിലെത്തിച്ചു.
അവിടെവച്ചാണ് സംശയം തോന്നി കയ്യിലെ പ്ലാസ്റ്റിക് കവര് പരിശോധിച്ചത്. കൊളത്തൂര് പൊലീസ് എത്തി യുവാവിനെ കസ്റ്റഡിയില് എടുത്തു.
