മികച്ച നാഷണല് സര്വ്വീസ് സ്കീം പ്രവര്ത്തനങ്ങള്ക്ക് അംഗീകാരമായി സംസ്ഥാന സര്ക്കാര് നല്കുന്ന സംസ്ഥാന എന്എസ്എസ് പുരസ്കാരങ്ങള് വിതരണം ചെയ്തു. മികച്ച എന്.എസ്എസ് യൂണിറ്റിനും മികച്ച പ്രോഗ്രാം ഓഫീസര്ക്കുമുള്ള രണ്ട് സംസ്ഥാന അവാര്ഡും ഈസ്റ്റ് മാറാടി സര്ക്കാര് വി.എച്ച്.എസ്. സ്കൂളിന്.
സംസ്ഥാനത്തെ എല്ലാ യൂണിവേഴ്സിറ്റികളും ഡയറക്ടറേറ്റുകളുമായി 22 എന്എസ്എസ് സെല്ലുകളില് മൂവായിരത്തി നാന്നൂറോളം എന്എസ്എസ് പ്രോഗ്രാം ഓഫീസറന്മാരില് നിന്നും അത്രയും യൂണിറ്റുകളില് നിന്നു മികച്ച പ്രവര്ത്തനം നടത്തിയവരെ വിലയിരുത്തിയാണ് ഈ അവാര്ഡുകള്ക്കായി തെരഞ്ഞെടുത്തത്. മികച്ച എന്എസ്എസ് പ്രോഗ്രാം ഓഫീസര്ക്കുള്ള അവാര്ഡ് സമീര് സിദ്ദീഖിയും മികച്ച യൂണിറ്റിനുള്ള അവാര്ഡ് പ്രിന്സിപ്പാള് റനിത ഗോവിന്ദും പി.റ്റി.എ പ്രസിഡന്റ് സിനിജ സനിലും, അധ്യാപകനായ രതീഷ് വിജയനും തിരുവനന്തപുരത്ത് നടന്ന ചടങ്ങില് ഏറ്റുവാങ്ങി.
ഉന്നത വിദ്യാഭ്യാസ വകുപ്പ് മന്ത്രി ആര് ബിന്ദു അധ്യക്ഷത വഹിച്ച ചടങ്ങില് പുരസ്കാര വിതരണവും ഉത്ഘാടനവും മുഖ്യമന്ത്രി പിണറായി വിജയന് നിര്വ്വഹിച്ചു. വിദ്യാഭ്യാസ വകുപ്പ് മന്ത്രി വി. ശിവന് കുട്ടി , മേയര് ആര്യ രാജേന്ദ്രന്, രാജ്യസഭ എം.പി എഎ റഹീം, എന്എസ്എസ് റീജിയണല് ഡയറക്ടര് ജി.ശ്രീധര്, സംസ്ഥാന എന് എസ് എസ് ഓഫീസര് ഡോ. അന്സര്, ഡി.ജി ഇ ജീവന് ബാബു ഐ.എ എസ്, വി.എച്ച്.എസ്.ഇ ഡപ്പൂട്ടി ഡയറക്ടര് അനില്കുമാര്, പ്രോഗ്രാം കോര്ഡിനേറ്റര് രഞ്ജിത് പി, ബ്രഹ്മനായകം മഹാദേവന് തുടങ്ങിയവര് പങ്കെടുത്തു.