കേരളത്തില് ഒരു ദുരന്തമുഖം കണ്ടു മാഞ്ഞില്ല. ബിഹാര് വെള്ളത്തില് മുങ്ങിയപ്പോള് മലയാളികളും കുടുങ്ങി. ബിഹാറിലെ പ്രളയത്തില് മലയാളികള് കുടുങ്ങിക്കിടക്കുന്നു. രാജേന്ദ്ര നഗറില് പത്തിലധികം കുടുംബങ്ങളാണ് കുടുങ്ങിയിരിക്കുന്നത്. സഹായത്തിന് ആരും എത്തിയില്ലെന്ന് പത്തനംതിട്ട സ്വദേശികള് പറയുന്നു.
ബിഹാറിലെയും യുപിയിലെയും പല ഭാഗങ്ങളും വെള്ളത്തിനടിയിലാണ്. നാല് ദിവസമായി ഇവിടെ നിര്ത്താതെ മഴ പെയ്യുന്നു. റോഡ്, റെയില് ഗതാഗതം തടസ്സപ്പെടുകയും വൈദ്യുതി മുടങ്ങുകയും ചെയ്തിരിക്കുകയാണ്.
ബിഹാറിലെ ജനങ്ങള്ക്ക് സഹായമെത്തിക്കാന് കേരളം സന്നദ്ധമാണെന്ന് കേരളം ബിഹാര് സര്ക്കാരിനെ അറിയിച്ചിരുന്നു. മുഖ്യമന്ത്രി പിണറായി വിജയന്രെ നിര്ദ്ദേശപ്രകാരം എ സമ്പത്താണ് ബിഹാര് സര്ക്കാരുമായും മറ്റും ബന്ധപ്പെട്ടത്. പട്നയില് സ്ഥിതി രൂക്ഷമാണ്. അടുത്ത ദിവസങ്ങള്ക്കിടയില് നാല്പതിലേറെ പേര് മരണപ്പെട്ടു. മലയാളികള്ക്കാര്ക്കും അപകടമൊന്നും സംഭവിച്ചിട്ടില്ല എന്നാണ് സംസ്ഥാന സര്ക്കാറിന് ലഭിച്ച വിവരം.
