തിരുവനന്തപുരം: സംസ്ഥാനത്ത് തിങ്കളാഴ്ച 32 പേര്ക്ക് കോവിഡ്-19 വൈറസ് സ്ഥിരീകരിച്ചു. കാസര്ഗോഡ് ജില്ലയില് 17 പേര്ക്കും കണ്ണൂരില് 11 പേര്ക്കും വയനാട് ഇടുക്കി ജില്ലകളില് രണ്ടു പേര്ക്കുവീതവുമാണ് രോഗം സ്ഥിരീകരിച്ചത്. ഇതോടെ സംസ്ഥാനത്ത് രോഗം ബാധിച്ചവരുടെ എണ്ണം 213 ആയി. ഇന്ന് രോഗം സ്ഥിരീകരിച്ചവരില് 17 പേര് വിദേശത്തുനിന്ന് എത്തിയവരാണ്. 15 പേര്ക്ക് സന്പര്ക്കം മൂലമാണ് രോഗം ബാധിച്ചതെന്നും മുഖ്യമന്ത്രി പിണറായി വിജയന് വാര്ത്താസമ്മേളനത്തില് അറിയിച്ചു. സംസ്ഥാനത്ത് 1,57,253 പേര് നിരീക്ഷണത്തിലാണ്. ഇതില് 1,56,660 പേര് വീടുകളിലും 623 പേര് ആശുപത്രികളിലും നിരീക്ഷണത്തിലാണ്. തിങ്കളാഴ്ച 126 പേരെയാണ് ആശുപത്രിയില് പ്രവേശിപ്പിച്ചത്. 6,991 സാന്പിളുകള് പരിശോധനയ്ക്ക് അയച്ചു. 6,931 എണ്ണം രോഗബാധയില്ലെന്ന് ഉറപ്പാക്കി.
