കോഴിക്കോട്: ബലാത്സംഗം ചെയ്തെന്ന പയ്യോളി സ്വദേശിനിയായ യുവതിയുടെ പരാതിയില്‍ കൊയിലാണ്ടി എആര്‍ ക്യാമ്പ് എസ്ഐക്കെതിരെ കേസെടുത്തു. എസ്ഐ ജി എസ് അനിലിനെതിരെയാണ് കേസെടുത്തത്. ഇയാള്‍ ഇപ്പോള്‍ ഒളിവിലാണ്. പയ്യോളി പോലീസാണ് എഫ്ഐആര്‍ രജിസ്റ്റര്‍ ചെയ്തത്. 2017 സെപ്തംബര്‍ മുതല്‍ എസ്ഐ തന്നെ ഭീഷണിപ്പെടുത്തി ബലാത്സംഗം ചെയ്തുവെന്നാണ് യുവതി പരാതിപ്പെട്ടത്. എസ്ഐക്കെതിരെ ബലാത്സംഗം, ശാരീരിക മര്‍ദ്ദനം, തട്ടിക്കൊണ്ടുപോകല്‍, പിടിച്ച് പറി എന്നീ കുറ്റങ്ങള്‍ ചുമത്തിയിട്ടുണ്ട്.
