കണ്ണൂർ: കണ്ണൂർ വളപട്ടണത്ത് വ്യാപാരിയുടെ വീട്ടിൽ വൻകവർച്ച. വളപട്ടണം മന്ന സ്വദേശി അഷ്റഫിന്റെ വീട്ടിൽ നിന്നാണ് ഒരു കോടി രൂപയും 300 പവനും മോഷണം പോയതായി പരാതി ഉയർന്നിരിക്കുന്നത്. അഷ്റഫും കുടുംബവും യാത്ര പോയിരുന്ന സമയത്താണ് വീട്ടിൽ കവർച്ച നടന്നിരിക്കുന്നത്. ഇന്നലെ രാത്രിയാണ് സംഭവം നടന്നിരിക്കുന്നത്. മൂന്നംഗ സംഘം എത്തി കവര്ച്ച നടത്തിയെന്നാണ് നിലവില് ലഭിക്കുന്ന വിവരം. പൊലീസ് സംഭവ സ്ഥലത്തെത്തി അന്വേഷണം ആരംഭിച്ചിട്ടുണ്ട്. ഡോഗ് സ്ക്വാഡ് ഉള്പ്പെടെ സംഭവ സ്ഥലത്ത് പരിശോധന ആംഭിച്ചിരിക്കുകയാണ്.
കിടപ്പുമുറിയില് സൂക്ഷിച്ചിരുന്ന ലോക്കറില് ഉണ്ടായിരുന്ന പണവും സ്വര്ണവുമാണ് കവര്ന്നത്. അടുക്കളഭാഗത്തെ ജനലിന്റെ ഗ്രില് മുറിച്ചാണ് മോഷ്ടാക്കള് അകത്തുകടന്നിരിക്കുന്നത്.
കുടുംബം വീട് പൂട്ടി വിവാഹത്തിന് പോയപ്പോഴായിരുന്നു കവര്ച്ച. സംഭവത്തില് വളപട്ടണം പോലീസ് അന്വേഷണം ആരംഭിച്ചു.
ഇവിടെ സിസിടി വി ക്യാമറകളുണ്ട്. മോഷ്ടാക്കൾ മുഖം മറച്ചാണ് എത്തിയിരുന്നത് എന്നാണ് വിവരം. അരി മൊത്തവ്യാപാരിയാണ് അഷ്റഫ്. ഇവർ യാത്ര പോകുന്നു എന്നും വീട്ടിൽ പണമുണ്ട് എന്നും മനസ്സിലാക്കിയാണ് മോഷ്ടാക്കൾ എത്തിയെന്നുമാണ് പ്രാഥമിക നിഗമനം. അഷ്റഫിന്റെയും കുടുംബത്തിന്റെയും മൊഴി പൊലീസ് ശേഖരിച്ചിട്ടുണ്ട്. ഇന്നലെ രാത്രി 9 മണിയോടെയാണ് സംഭവമറിയുന്നതെന്ന് അയൽവാസികളും സാക്ഷ്യപ്പെടുത്തുന്നു.
