തിരുവനന്തപുരം: കാട്ടാക്കട ക്രിസ്ത്യന് കോളേജ് അധ്യാപികയുടെ മരണത്തില് ദുരൂഹതയേറുന്നു. ഫിസിക്കല് എജ്യുക്കേഷന് വിഭാഗത്തിലെ രണ്ട് അധ്യാപകരുടെ പേരെഴുതിയ ആത്മഹത്യാക്കുറുപ്പ് പൊലീസ് കണ്ടെടുത്തു. ഇവരുടെ ഉപദ്രവമാണ് മരണത്തിന് കാരണമെന്നാണ് കുറിപ്പിലുള്ളതെന്നാണ് വിവരം. ട്രെയിന് തട്ടി മരിച്ച നിലയില് ഇന്നലെ കണ്ടെത്തിയ ഫിസിക്കല് എജുക്കേഷന് വിഭാഗം മേധാവി ആശ എല് സ്റ്റീഫന് ആത്മഹത്യ ചെയ്യുകയായിരുന്നുവെന്നാണ് പൊലീസ് പറയുന്നത്. എന്സിസിയുടെ പണം കോളേജ് വിദ്യാഭ്യാസ വകുപ്പില് അടക്കുന്നതിനെ ചൊല്ലി ഈ രണ്ട് അധ്യാപകരും ആശയും തമ്മില് തര്ക്കമുണ്ടായിരുന്നുവെന്നാണ് പൊലീസ് നല്കുന്ന സൂചന. അസ്വാഭാവിക മരണത്തിന് കേസെടുത്ത നെയ്യാറ്റിന്കര പൊലീസ് അന്വേഷണം തുടങ്ങി. കുറിപ്പില് പേരുള്ള അധ്യാപകരെ അടക്കം അടുത്ത ദിവസം ചോദ്യം ചെയ്യും.
