ഇടുക്കി: ഇടുക്കിയില്‍ കെഎസ്ആര്ടിസി ബസ് നിയന്ത്രണംവിട്ട് റോഡില്‍നിന്നു തെന്നിമാറി. ഇന്നു പുലര്‍ച്ചെ അഞ്ചോടെ പീരുമേടിനും പാമ്പാറിനുമിടയിലുള്ള അയ്യപ്പ കോളജിന് സമീപമാണ് സംഭവം.ഏഴ് യാത്രക്കാരാണ് ബസില്‍ ഉണ്ടായിരുന്നത്. ആര്‍ക്കും പരിക്കില്ല.
കുമളിയില്‍ നിന്ന് കൊല്ലത്തേക്ക് പോകുകയായിരുന്ന ബസ് റോഡില്‍ നിന്നും തെന്നിമാറി സമീപത്തുളള വലിയ സംരക്ഷണഭിത്തിയില്‍ തട്ടി നില്ക്കുകയായിരുന്നു. താഴ്ചയിലേക്ക് വീഴാതിരുന്നതിനാല്‍ വലിയ അപകടമൊഴിവായി. താഴെ സ്വകാര്യ കോളജിന്‍റെ ഹോസ്റ്റല്‍ സ്ഥിതി ചെയ്യുന്നുണ്ട്. അപകടസമയത്ത് ഹോസ്റ്റലില്‍ വിദ്യാര്‍ഥികളുമുണ്ടായിരുന്നു.
അഗ്നിശമനസേന സ്ഥലത്തെത്തി മണ്ണുമാന്തി യന്ത്രത്തിന്‍റെ സഹായത്തോടെ ബസ് വലിച്ചുമാറ്റി. അപകടത്തിനു പിന്നാലെ ദേശീയപാതയില്‍ ഗതാഗതം ഭാഗികമായി തടസപ്പെട്ടു.
