തിരുവന്തപുരം മെഡിക്കൽ കോളേജിലെ കേടായ ലിഫ്റ്റിനുള്ളിൽ ഒന്നര ദിവസം ഒരു രോഗി കുടുങ്ങിക്കിടന്നു. മെഡിക്കൽ കോളേജിന്റെ ഓർത്തോ ഒപിയിൽ വന്ന തിരുവനന്തപുരം സ്വദേശിയായ രവീന്ദ്രൻ നായരാണ് ലിഫ്റ്റിൽ അകപ്പെട്ടത്. ശനിയാഴ്ചയായിരുന്നു സംഭവം. രവീന്ദ്രന് സുരക്ഷിതനാണെന്ന് ഡോക്ടര്മാര് അറിയിച്ചു. ഇയാള് അത്യാഹിത വിഭാഗത്തില് നിരീക്ഷണത്തിലാണ്.
ശനിയാഴ്ച 11 മണിക്കാണ് നടുവേദനയുമായി രവീന്ദ്രൻ നായർ മെഡിക്കൽ കോളേജിലെത്തിയത്. 12 മണിയോടെയാണ് ഓർത്തോ വിഭാഗത്തിലെ ലിഫ്റ്റ് കേടായത്. ഈ സമയത്ത് ലിഫ്റ്റിനുളള പെട്ട് പോകുകയായിരുന്നു രവീന്ദ്രൻ നായർ. രവീന്ദ്രന്റെ ഫോണ് ലിഫ്റ്റില് വീണ് പൊട്ടിയിരുന്നു. ഇതിനാല് ആരെയും വിളിച്ചറിയിക്കാന് സാധിച്ചിരുന്നില്ല. വീട്ടുകാര്ക്ക് വിളിച്ചിട്ട് കിട്ടിയുമില്ല. രവീന്ദ്രനെ കാണാനില്ലെന്ന് ബന്ധുക്കള് ഇന്നലെ രാത്രി മെഡിക്കല് കോളേജ് പൊലീസില് പരാതി നല്കിയിരുന്നു.
