ഇടുക്കി ഡാമിലെ ജലനിരപ്പ് 2398.03 അടിയായി. ജലനിരപ്പ് ഉയര്ന്നതോടെ ഓറഞ്ച് അലര്ട്ട് പ്രഖ്യാപിച്ചു. ജലനിരപ്പ് ക്രമേണ ഉയര്ന്നു വരുന്ന സാഹചര്യത്തില് ജില്ലയിലെ വിവിധ വകുപ്പുകള്ക്കും പൊതുജനങ്ങള്ക്കും ജില്ലാ കളക്ടര് ജാഗ്രത നിര്ദേശം നല്കി. മുല്ലപ്പെരിയാര് അണക്കെട്ടിലെ ജലനിരപ്പും ഉയരുകയാണ്. നിലവില് ജലനിരപ്പ് 139.05 അടിയാണ്.
അതേസമയം, ആറ് ജില്ലകളില് ഓറഞ്ച് അലര്ട്ട് നാളെ പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി ജില്ലകളിലാണ് ഓറഞ്ച് അലര്ട്ട് പ്രഖ്യാപിച്ചിരിക്കുന്നത്. മറ്റ് ജില്ലകളില് യെല്ലോ അലര്ട്ടായിരിക്കും. മറ്റന്നാള് അഞ്ച് ജില്ലകളില് ഓറഞ്ച് അലര്ട്ട് പ്രഖാപിച്ചിട്ടുണ്ട്.
നാളെയോടെ ബംഗാള് ഉള്ക്കടലില് പുതിയ ന്യൂനമര്ദം രൂപപ്പെടുകയും 48 മണിക്കൂറിനുള്ളില് ന്യൂനമര്ദം ശക്തി പ്രാപിക്കും ചെയ്യാന് സാധ്യാതയുണ്ടെന്നാണ് മുന്നറിയിപ്പ്. ഇതിന്റെ ഫലമായി സംസ്ഥാനത്ത് അടുത്ത രണ്ട് ദിവസം അതിശക്തമായ മഴയ്ക്ക് സാധ്യതയുണ്ടെന്നാണ് കാലാവസ്ഥ നിരീക്ഷണ കേന്ദ്രം അറിയിച്ചിരിക്കുന്നത്.
