തിരുവനന്തപുരം: സംസ്ഥാനത്ത് ഇന്ന് കനത്ത മഴയ്ക്ക് സാദ്ധ്യത. അഞ്ച് ജില്ലകളില് ഓറഞ്ച് അലര്ട്ട് പ്രഖ്യാപിച്ചു. മലപ്പുറം, കോഴിക്കോട്,വയനാട്,കണ്ണൂര്, കാസര്കോട് ജില്ലകളിലാണ് കാലാവസ്ഥ നിരീക്ഷണ കേന്ദ്രം ഓറഞ്ച് അലര്ട്ട് പ്രഖ്യാപിച്ചിരിക്കുന്നത്.
ആലപ്പുഴ,കോട്ടയം, പത്തനംതിട്ട, ഇടുക്കി, എറണാകുളം,തൃശൂര്, പാലക്കാട് ജില്ലകളില് യെല്ലോ അലര്ട്ടും പ്രഖ്യാപിച്ചിട്ടുണ്ട്. ബുധനാഴ്ച വരെ സംസ്ഥാനത്തിൻ്റെ വിവിധ ഭാഗങ്ങളില് വ്യാപക മഴ ഉണ്ടാകുമെന്ന് കാലാവസ്ഥ നിരീക്ഷണ കേന്ദ്രം അറിയിച്ചു.
ജില്ലാ കലക്ടര്മാര്ക്ക് മുന്കരുതല് നടപടികള് സ്വീകരിക്കാന് സര്ക്കാര് നിര്ദേശം നല്കി. മലയോര മേഖലയില് രാത്രി യാത്ര നിരോധിച്ചു. കടല് പ്രക്ഷുബ്ധമാകാന് സാധ്യതയുള്ളതിനാല് ബുധനാഴ്ച വരെ മത്സ്യബന്ധനത്തിന് പോകരുതെന്നാണ് നിര്ദേശം. തൃശൂര് പൂമല അണക്കെട്ടിന്റെ ഷട്ടറുകള് തുറക്കും. നിലവില് 27.6 അടിയാണ് അണക്കെട്ടിലെ ജലനിരപ്പ്.
