ഇടത് അനുകൂല പോലീസ്അസോസിയേഷന് ഉദ്യോഗസ്ഥരെ സ്വാധീനിച്ച് പോസ്റ്റല് വോട്ടുകള് കൂട്ടത്തോടെ കൈക്കലാക്കി എന്നായിരുന്നു ആരോപണം
തിരുവനന്തപുരം: ഒടുവില് കേരളാ പോലീസും കള്ളവോട്ട് ചെയ്തുവെന്ന് സ്ഥിരീകരിച്ച് ഇന്റലിജന്സ് റിപ്പോര്ട്ട്. പോലീസുകാരുടെ പോസ്റ്റല് ബാലറ്റുകളില് പോലീസ് അസോസിയേഷന് വഴി ക്രമക്കേട് നടന്നെന്നാണ് സ്ഥിരീകരണം. സംഭവത്തില് അന്വേഷണം നടത്തിയ സംസ്ഥാന ഇന്റലിജന്സ് മേധാവി വിനോദ് കുമാര് ഞായറാഴ്ചയാണ് ഡിജിപി ലോക്നാഥ് ബെഹ്റയ്ക്ക് നാലു പേജുള്ള റിപ്പോര്ട്ട് സമര്പ്പിച്ചത്. വോട്ടിങ് ക്രമക്കേട് നടന്നതായിട്ടാണ് റിപ്പോര്ട്ട്. അസോസിയേഷന്റെ ചുമതലയുള്ള രണ്ട് ഉദ്യോഗസ്ഥര്ക്കെതിരെ നടപടി വേണമെന്നും റിപ്പോര്ട്ടില് ശുപാര്ശയുണ്ട്.
ഇടത് അനുകൂല പോലീസ്അസോസിയേഷന് ഉദ്യോഗസ്ഥരെ സ്വാധീനിച്ച് പോസ്റ്റല് വോട്ടുകള് കൂട്ടത്തോടെ കൈക്കലാക്കി എന്നായിരുന്നു ആരോപണം ഉയര്ന്നത്. ഇത് തെളിയിക്കുന്ന ശബ്ദരേഖ വിവിധ മാധ്യമങ്ങള് പുറത്തുവിടുകയും ചെയ്തു. അസോസിയേഷന്റെ നിര്ദ്ദേശപ്രകാരം ഒന്നിലധികം പോസ്റ്റല് ബാലറ്റുകള് താന് കൈപ്പറ്റിയതായി ഒരു പോലീസ് ഉദ്യോഗസ്ഥന് സ്ഥിരീകരിച്ചതിനു പിന്നാലെയാണ് സംഭവം വിവാദമായത്.
അതേസമയം, ആരോപണം ഉയരും മുന്പ് തന്നെ ഇതുസംബന്ധിച്ച വിവരം ലഭിച്ചിരുന്നുവെന്നും ഡിജിപി ലോക്നാഥ് ബെഹ്റയില് നിന്ന് റിപ്പോര്ട്ട് തേടിയിരുന്നുവെന്നും മുഖ്യ തെരഞ്ഞെടുപ്പ് ഓഫീസര് ടീക്കാ റാം മീണ പറഞ്ഞു. ആരോപണം സത്യമെന്ന് തെളിഞ്ഞാല് കുറ്റക്കാരായ ഉദ്യോഗസ്ഥര്ക്കെതിരെ കര്ശനനടപടിയെടുക്കുമെന്ന് ഡിജിപിയും വ്യക്തമാക്കിയിരുന്നു. എന്നാല് ആരോപണം നിഷേധിക്കുന്ന നിലപാടായിരുന്നു പോലീസ് അസോസിയേഷന്റേത്.
