പ്രധാനമന്ത്രിയുടെ പ്രതിവാര റെഡിയോ പ്രഭാഷണ പരിപാടിയായ മൻ കീ ബാത്ത് ഇന്ന് നടക്കും. രാജ്യത്തെ കൊവിഡ് സാഹചര്യവും വാക്‌സിനേഷനും അടക്കമുള്ള വിഷയങ്ങളിൽ പ്രധാനമന്ത്രി മൻ കീ ബാത്തിലൂടെ നിലപാട് വ്യക്തമാക്കും. ജമ്മു കശ്മീരിലെ രാഷ്ട്രീയ പാർട്ടികളുമായുള്ള സർവകക്ഷിയോഗം കഴിഞ്ഞതിന് ശേഷമുള്ള പ്രഭാഷണം എന്നതും ഇന്നത്തെ മൻ കീബാത്തിൻ്റെ പ്രധാനഘടകമാണ്.
മൻ കീ ബാത്തിൻ്റെ 78-ാം എപ്പിസോഡാണ് പ്രധാനമന്ത്രി നരേന്ദ്ര മോദിയുടെ ഔദ്യോഗിക യൂട്യൂബ് ചാനലിലൂടെ ഇന്ന് പുറത്ത് വിടുന്നത്. മൻ കീ ബാത്ത് ഓൾ ഇന്ത്യ റേഡിയോ, ദൂരദർശൻ എന്നിവിടങ്ങളിലൂടെയും സംപ്രേഷണം ചെയ്യും. രാവിലെ 11 മണിക്ക് ആയിരിക്കും സംപ്രേഷണം ചെയ്യുന്നത്.
