കരുനാഗപ്പള്ളി : നിയോജക മണ്ഡലത്തിലെ മാളിയേക്കല് റെയില്വെ മേല്പ്പാലത്തിന്റെ ഉദ്ഘാടനം ഓഗസ്റ്റ് 2ന് വൈകിട്ട് 5 30ന് സംസ്ഥാന പൊതുമ രാമത്ത് വകുപ്പ് മന്ത്രി പി എ മുഹമ്മദ് റിയാസ് നിര്വഹിച്ച് പൊതുജനങ്ങള്ക്കായി തുറന്നുകൊടുക്കുമെന്ന് സിആര് മഹേഷ് എംഎല്എ അറിയിച്ചു.
മാളിയേക്കല് റെയില്വേ മേല്പ്പാലം 546 മീറ്റര് നീളവും 10.2 മീറ്റര് വീതിയിലും ആണ് മേല് പാലം നിര്മ്മിച്ചിരിക്കുന്നത്. റെയില്വേ ഭാഗം ഒഴികെ 33 സ്പാനങ്ങളിലായി 51 പൈലുകളും 13 പൈല് ക്യാപ്പുകളും, രണ്ട് അബട്ട് മന്റും ആണ് ഉള്ളത്.എല്ലാം പൂര്ത്തീകരിച്ചിട്ടുണ്ട് ഇവയുടെ ഭാഗം പിയര് ക്യാപ്പ് വരെ ആര് ബി ഡി സി കെ ആണ് നിര്മ്മിച്ചിട്ടുള്ളത് സൂപ്പര് സ്ട്രക്ചര് റെയില്വേ നേരിട്ടാണ് നിര്മ്മിച്ചിട്ടുള്ളത്. കേരളത്തില് ആദ്യമായി പൂര്ണമായും സ്റ്റീല് കോണ്ക്രീറ്റ് കോമ്പോസിറ്റ് രീതിയില് പൂര്ത്തീകരിക്കുന്ന മേല്പ്പാലമാണ് മാളിയേക്കല് റെയില്വേ മേല്പ്പാലം. ഇതിന്റെ പൈല്,പൈല് ക്യാപ്പ്,ഡക്ക് സ്ലാബ്എന്നിവ കോണ്ക്രീറ്റ് രീതിയിലും, പിയര്, പിയര് ക്യാപ്പ്,ഗാര്ഡറുകള് എന്നിവ സ്റ്റീലിലും ആയാണ് നിര്മ്മിച്ചിരിക്കുന്നത്.
കേരള റെയില്വേ ബ്രിഡ്ജസ്റ്റ് ഡെവലപ്മെന്റ കോര്പ്പറേഷന് ആണ് നിര്മ്മാണം ഏറ്റെടുത്ത് പൂര്ത്തീകരിച്ചത് മേല്പ്പാല നിര്മ്മാണത്തിനായി വസ്തു ഏറ്റെടുക്കുന്നതിന് 11.8 കോടി രൂപയും മേല്പ്പാല നിര്മ്മാണത്തിന് 26.5 8 കോടി രൂപയുമാണ് ചെലവഴിച്ചത്. നിര്മ്മാണ പ്രവര്ത്തനങ്ങളുടെ ഉദ്ഘാടനം 2021 ജനുവരി 21ആം തീയതി മുഖ്യമന്ത്രി നിര്വഹിച്ചിരുന്നു. ഉള്പ്പെടെ 10 മേല്പ്പാലങ്ങള്ക്കാണ് അനുമതി നല്കിയെങ്കിലും ആദ്യം പൂര്ത്തീകരിച്ചത് മാളിയേക്കല് മേല്പ്പാലം ആണ് എന്ന് അധികൃതര് അറിയിച്ചു. കരുനാഗപ്പള്ളിയില് നിന്നും ശാസ്താംകോട്ടയ്ക്കും മറ്റു ഭാഗങ്ങളിലേക്കുള്ള യാത്ര ക്ലേശത്തിന് പരിഹാരം ഉണ്ടാവുകയും കൂടാതെ നാട്ടുകാരുടെ ചിരകാല സ്വപ്നം സാധ്യമാവുകയും ആണ്.
