റാന്നി: പ്രതിസന്ധി ഘട്ടത്തിൻ കേരളഞ്ഞെ കൈ മെയ് മറന്ന് സഹായിക്കാൻ മടികൂടാതെ രംഗത്തുവന്ന ഫെഡറേഷൻ ഓഫ് മലയാളി അസോസിയേഷൻ ഓഫ് അമേരിക്ക (ഫോമ) യുടെ പ്രവർത്തനങ്ങൾ ലോകത്തിന് മാത്യകയാണന്ന് മുൻ എം എൽ എ രാജ്യ ഏബ്രഹാം . ഫോമ ഇടമുറിയിൽ മുത്തൂറ്റ് ഗ്രൂപ്പുമായി ചേർന്ന് സംഘടിപ്പിച്ച ആരോഗ്യ സെമിനാറും മെഡിക്കൽ ക്യാമ്പും ഉദ്ഘാടനം ചെയ്തു സംസാരിക്കുകയായിരുന്നു അദ്ധേഹം.
ജീവകാരുണ്യ പ്രവർത്തന രംഗത്ത് , ആരോഗ്യ സുരക്ഷ മേഘലയിൽ , ഭവന പദ്ധതിയിൽ അടക്കം എല്ലാ മേഘലയിലും കയ്യൊപ്പ് ചാർത്തി മികച്ച പ്രവർത്തനമാണ് ഫോമ ചെയ്ത് വരുന്നതെന്നും അദ്ധേഹം പറഞ്ഞു.
ചടങ്ങിൽ ഫോമ പ്രസിഡന്റ് ഡോ. ജേക്കബ് തോമസ് അദ്ധ്യക്ഷത വഹിച്ചു. നാറാണംമുഴി പഞ്ചായത്തി പ്രസിഡന്റ് (ഇൻ ചാർജ് ) രാജൻ നീറുംപ്പാക്കൽ, പഞ്ചായത്ത് അംഗം അഡ്വ. സാം ജി, ബ്ലോക്ക് പഞ്ചായത്ത് അംഗം ഗ്രേസി തോമസ്, ഫോമ ട്രഷറർ ബിജു തോണിക്കടവിൽ, സണ്ണി വള്ളികുളം. (വൈസ് പ്രസിഡന്റ്), കേരള കൺവൻഷൻ ചെയർമാൻ തോമസ് ഓലിയാംകുന്നേൽ, സുജ ഔസോ (വുമൺസ് ചെയർ ), ജോസഫ് ഔസോ (ചെയർമാൻ കേരള ഹൗസിഗ് ) , ജൂന തോമസ്, സജയ് തോണിക്കടവിൽ, മുത്തൂറ്റ് പ്രതിനിതികളായ മാത്യു .കെ . ഐ, സുബീഷ് ഗോപാൽ എന്നിവർ സംസാരിച്ചു.