കുളിക്കാനുപയോഗിക്കുന്ന ടവ്വലുകൾ,അല്ലെങ്കിൽ തോർത്തുകൾ നിങ്ങൾ എത്ര ദിവസം കൂടുമ്പോഴാണ് അലക്കാറുള്ളത്..?വൃത്തിയുള്ള ചർമ്മത്തിൽ ഉപയോഗിക്കുന്നതിനാൽ ഇടക്കിടക്ക് അലക്കേണ്ടതില്ലെന്ന് പലരും കരുതുന്നു. എന്നാൽ ഈ ധാരണ തെറ്റാണ്.ചിലർ ദിവസവും കുളിച്ച് കഴിഞ്ഞാല് തോർത്ത് അലക്കാറുണ്ട്. ചിലരാകട്ടെ ആഴ്ചയിലൊരിക്കലും,മറ്റു ചിലർ മാസത്തിലൊരിക്കലുമാണ് അലക്കുക.
മൊത്തത്തിലുള്ള ആരോഗ്യത്തിന് ദൈനംദിന ശുചിത്വം പാലിക്കേണ്ടത് അത്യന്താപേക്ഷിതമാണ്. എന്നാൽ കുളിക്കാനുപയോഗിച്ച തോർത്തിന്റെ ശുചിത്വം പലപ്പോഴും അവഗണിക്കപ്പെടാറുണ്ട്.ജേണൽ ഓഫ് ക്ലിനിക്കൽ മൈക്രോബയോളജിയിലെ ഒരു പഠനത്തിൽ പറയുന്നത് നനഞ്ഞ ടവലുകളിലെ ബാക്ടീരിയകൾ വെറും 20 മിനിറ്റിനുള്ളിൽ ഇരട്ടിയാകുമെന്നാണ്. വൃത്തിഹീനമായ സാഹചര്യങ്ങൾ ബാക്ടീരിയകള് പെരുകുന്നതിന്റെ വ്യാപ്തി കൂടുമെന്നും പഠനം പറയുന്നു.
