തിരുവനന്തപുരം: ഡോക്ടര് വന്ദന ദാസിന്റെ കൊലപാതകത്തില് പ്രതിഷേധിച്ച് പിജി ഡോക്ടര്മാര് നടത്തിവന്ന സമരം ഭാഗികമായി പിന്വലിച്ചു. ആരോഗ്യ പ്രവര്ത്തകര്ക്കെതിരായ അതിക്രമങ്ങളില് ശക്തമായ നടപടി സ്വീകരിക്കുമെന്ന് ആരോഗ്യ മന്ത്രി വീണ ജോര്ജ് ഉറപ്പ് നല്കിയെന്ന് ഡോക്ടര്മാര് അറിയിച്ചു. മതിയായ സെക്യൂരിറ്റിയുളള സ്ഥലങ്ങളില് മാത്രം ഹൗസ് സര്ജന്മാരെ നിയമിക്കാമെന്ന ഉറപ്പും ലഭിച്ചു. എമര്ജന്സി ഡ്യൂട്ടി ചെയ്യും. ഒപി ബഹിഷ്കരണം തുടരുമെന്നും ഡോക്ടര്മാര് അറിയിച്ചു. വീണ ജോര്ജുമായുളള കൂടിക്കാഴ്ചക്ക് ശേഷമാണ സമരം പിന്വലിച്ചത്.
