മൂവാറ്റുപുഴ നിയോജക മണ്ഡലത്തില്‍ കഴിഞ്ഞ ഒരാഴ്ചകൊണ്ട് 452 പേര്‍ക്ക് രോഗം സ്ഥിരീകരിച്ചത് ആശങ്ക ഉയര്‍ത്തുകയാണന്ന് എല്‍ദോ ഏബ്രഹാം എംഎല്‍എ. കഴിഞ്ഞ 6 മാസക്കാലം നടത്തിയ നിയന്ത്രണങ്ങള്‍ ഫലപ്രദമായിരുന്നു എങ്കിലും സെപ്റ്റംബര്‍ 1 മുതല്‍ 8 വരെയുള്ള ഒരാഴ്ചകൊണ്ട് പായിപ്ര പഞ്ചായത്തില്‍ 372-ല്‍ നിന്ന് 524ലേക്കും, നഗരസഭ പരിധിയില്‍ 174 ല്‍ നിന്ന് 272 ലേക്കും മാറാടിയില്‍ 89 125 ആയും ഉയര്‍ന്നത് അത്യന്തം അപകടകരമാണ്. വാളകത്ത് 44 ല്‍ നിന്ന് 68 ആയും, 29 രോഗികള്‍ ഉണ്ടായിരുന്ന മഞ്ഞള്ളൂര്‍ 63 പേരിലേക്കും എത്തി. പൈങ്ങോട്ടുരില്‍ 13,ആവോലി 29, ആരക്കുഴ4, പാലക്കുഴ 6, കല്ലൂര്‍ക്കാട് 9, പോത്താനിക്കാട് 12, ആയവന 25 പേരിലും പുതുതായി രോഗം സ്ഥിതീകരിച്ചു.
നിയോജക മണ്ഡത്തില്‍ കൂടുതല്‍ നിയന്ത്രണങ്ങള്‍ ആലോചനയില്‍ ആണെന്ന് എം.എല്‍.എ അറിയിച്ചു. നാളിതുവരെ മൂവാറ്റുപുഴയില്‍1426 പേര്‍ക്ക് കോവിഡ് പോസിറ്റീവ് സ്ഥിതീകരിച്ചു.892 പേര്‍ക്ക് രോഗം സുഖപ്പെട്ടു.534 ആളുകള്‍ വിവിധ ആശുപത്രിയിലും, ,പ്രാഥമിക ചികില്‍സ കേന്ദ്രത്തിലും, വീടുകളിലുമായി ചികില്‍സയിലുണ്ട്. നിലവില്‍ 13 വാര്‍ഡുകള്‍ മൈക്രോ കണ്ടെയ്ന്‍മെന്റ് സോണുകളും 2 വാര്‍ഡുകള്‍ കണ്ടെയ്ന്‍മെന്റ് സോണുകളുമാണ്. ആരോഗ്യ വകുപ്പിന്റെ നിര്‍ദ്ദേശങ്ങള്‍ പാലിക്കാന്‍ വിമുഖത കാണിക്കരുതെന്നും, സ്വയം നിയന്ത്രണങ്ങള്‍ക്ക് ഓരോരുത്തരും നേതൃത്വം വഹിക്കണമെന്നും എല്‍ദോ എബ്രഹാം എം.എല്‍.എ.അറിയിച്ചു.
