സംസ്ഥാനത്ത് തിങ്കളാഴ്ച വരെ ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ഇന്ന് പത്ത് ജില്ലകളില് യെല്ലോ അലര്ട്ട് പ്രഖ്യാപിച്ചു. ബംഗാള് ഉള്ക്കടലില് പുതിയ ന്യൂനമര്ദം രൂപപ്പെടാന് സാധ്യതയുണ്ട്. തെക്കന് ആന്ഡമാന് കടലില് രൂപപ്പെടുന്ന ന്യൂനമര്ദം 48 മണിക്കൂറിനുള്ളില് ശക്തി പ്രാപിക്കുമെന്നാണ് പ്രവചനം.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, പാലക്കാട്, മലപ്പുറം, വയനാട് ജില്ലകളിലാണ് ഇന്ന് യെല്ലോ അലര്ട്ട് പ്രഖ്യാപിച്ചത്. മലയോര മേഖലകളില് ഒറ്റപ്പെട്ട ശക്തതമായി ഇടിയോട് കൂടിയ മഴക്ക് സാധ്യതയുണ്ട്. ഇവിടങ്ങളില് ഓറഞ്ച് അലര്ട്ടിന് സമാനമായ ജാഗ്രത പുലര്ത്തണമെന്നും നിര്ദേശമുണ്ട്.
നേരത്തെ തെക്ക് പടിഞ്ഞാറന് ബംഗാള് ഉള്ക്കടലില് രൂപപ്പെട്ട തീവ്ര ന്യൂനമര്ദം തമിഴ്നാട് തീരത്തു കൂടി കരയില് പ്രവേശിച്ചു. ഇത് ശക്തി ക്ഷയിച്ച് ന്യൂനമര്ദമായി മാറുമെന്നാണ് കണക്കു കൂട്ടല്.