മോഹന്ലാല് നായകനായി എത്തുന്ന ‘മരക്കാര് അറബിക്കടലിന്റെ സിംഹം’ എന്ന ബിഗ്ബഡ്ജറ്റ് ചരിത്ര സിനിമ ഒടിടി പ്ലാറ്റ്ഫോം വഴി റിലീസ് ചെയ്യുമോ എന്ന സംശയം സിനിമാപ്രേമികള് ചോദിക്കാന് തുടങ്ങിയിട്ട് നാളുകളേറെയായി. എന്നാല് ഈ ചോദ്യങ്ങള്ക്ക് മറുപടിയുമായി ചിത്രത്തിന്റെ സംവിധായകന് പ്രിയദര്ശന് തന്നെ രംഗത്തുവന്നിരിക്കുകയാണ്. ചിത്രം ഒടിടി വഴി റിലീസ് ചെയ്യാൻ ഉദ്ദേശിക്കുന്നില്ല എന്നാണ് സംവിധായൻ്റെ മറുപടി.
100 കോടിയിലധികം മുതല് മുടക്കില് നിര്മിച്ച ചിത്രം തീയറ്റര് വഴി മാത്രമായിരിക്കും റിലീസ് ചെയ്യുകയെന്നും വലിയ സ്ക്രീനില് ആസ്വദിക്കേണ്ട സിനിമയാണ് മരക്കാർ എന്നും പ്രിയദര്ശന് പറയുന്നു. തീയറ്ററിലൂടെ സിനിമ റിലീസ് ചെയ്യുന്നതിനായി ഇനിയും ആറ് മാസം കൂടി കാത്തിരിക്കാന് തയ്യാറാണ് താനെന്നും അദ്ദേഹം വ്യക്തമാക്കി.
ചിത്രത്തില് ടൈറ്റില് കഥാപാത്രത്തെ അവതരിപ്പിക്കുന്ന മോഹന്ലാലിനും നിര്മാതാവായ ആന്റണി പെരുമ്പാവൂരിനും ഇതേ അഭിപ്രായം തന്നെയാന്നും അദ്ദേഹം പറഞ്ഞു. ദേശീയ അവാര്ഡ് നേടിയ ‘മരക്കാര് അറബിക്കടലിൻ്റെ സിംഹം എന്ന ചിത്രം കൊവിഡ് രോഗവ്യാപനത്തെ തുടര്ന്ന് റിലീസ് മാറ്റിവയ്ക്കുകയായിരുന്നു.
